جاڭاجىلدىق مەرەكەلەر الاڭداتادى – د س م
ول قازاقستاندا ەپيدەميولوگيالىق احۋالدى دامىتۋدىڭ وپتيميستىك سەناريى بويىنشا قاڭتاردا تاۋلىگىنە - 650، ناقتى - 1300، جاعداي ناشارلاسا، 3000 دەرەك تىركەلۋى مۇمكىن ەكەنىن ايتتى.
«ءار ادام قاۋىپسىزدىك شارالارى تۋرالى ادەتتەگىدەي ويلاماسا، ۇزاق دەمالىس پەن مەرەكە كۇندەرىنە بايلانىستى پەسسيميستىك سەناري جۇزەگە اسۋى مۇمكىن. ءبىز نە ايتساق تا، قالاي ساقتاندىرساق تا، بۇل - ءار ادامنىڭ ءوز قولىندا»، - دەدى ەسماعامبەتوۆا.
ول قازاقستاندىقتاردى ۆاكسينا الۋعا جانە الدىن الۋ شارالارىن ساقتاۋعا، سونىڭ ىشىندە بەتپەردە تاعۋعا، الەۋمەتتىك قاشىقتىقتى ساقتاۋعا، سانيتايزەرلەردى پايدالانۋعا شاقىردى.
«جاڭاجىلدىق كورپوراتيۆكە بارماس بۇرىن ول سوعان لايىق پا دەپ ويلانىڭىز. كوروناۆيرۋس كەتكەن جوق، مۋتاتسيانىڭ جالعاسىپ جاتقانىن كورىپ وتىرمىز. (...) جالپىعا ورتاق مىندەت - پەسسيميستىك ستسەنارييگە جول بەرمەۋ. سونىمەن قاتار، الەمدە اۋىرعاندار سانى ارتىپ كەلە جاتقانىن كورىپ وتىرمىز، ال بىزدە كەيىنگى ءتورت ايدا اۋرۋ ازايىپ، 16 ەسە تومەندەدى. وسى جاڭاجىلدىق مەرەكەلەر ءبىزدى، دارىگەرلەردى، سانيتارلىق دارىگەرلەردى الاڭداتادى»، - دەپ تولىقتىردى سانەپيدباقىلاۋ كوميتەتىنىڭ باسشىسى.
