سانيتاريالىق تالاپتاردى ءالى دە ساقتاۋ كەرەك - پرەمەر- مينيستر

نۇر-سۇلتان. قازاقپارات - ق ر پرەمەر- ءمينيسترى اسقار مامين سانيتاريالىق- ەپيدەميولوگيالىق تالاپتاردى ساقتاۋ شارالارىن جالعاستىرۋدى تاپسىردى، دەپ حابارلايدى قازاقپارات.

«جالپى ەپيدەميولوگيالىق جاعداي تۇراقتى دەۋگە بولادى. ينفەكتسيالىق جانە رەانيماتسيالىق ورىنداردىڭ جۇكتەمەسى - 19 پايىزدى قۇراپ وتىر. جاسىل ايماقتا - 15 ءوڭىر، سارى ايماقتا 2 ءوڭىر بار: بۇل پاۆلودار جانە سولتۇستىك قازاقستان وبلىستارى. دەگەنمەن سانيتاريالىق- ەپيدەميولوگيالىق تالاپتاردى ساقتاۋ، اسىرەسە مەملەكەتتىك شەكارادا مۇقيات قاداعالاۋ قاجەت»، - دەدى پرەمەر- مينيستر.

ۇكىمەت باسشىسى كوپتەگەن ەلدەردە جاڭا شتامعا بايلانىستى ناۋقاستانۋدىڭ كەزەكتى تولقىنى باستالىپ جاتقانىن ايتتى. الەمدە ۆيرۋستىڭ جاڭا شتامىنىڭ تەز تارالۋىنا بايلانىستى عيماراتتاردىڭ ىشىندە، قوعامدىق كولىكتە ماسكا كيۋ، ادامدار كوپ جينالاتىن جەرلەردە الەۋمەتتىك ارا قاشىقتىقتى ساقتاۋعا اسا نازار اۋدارۋ قاجەت.

«قازىرگى ۋاقىتتا شامامەن 9 ميلليون ادام ءبىرىنشى كومپونەنتتى سالدىردى، بۇل 18 جاستان اسقان حالىقتىڭ 80 پايىزىنا جۋىعى، ال 8,4 ميلليوننان استام ادام ەكىنشى كومپونەنتتى سالدىردى، بۇل - شامامەن 75 پايىز. سوندىقتان دەنساۋلىق ساقتاۋ مينيسترلىگى مەن اكىمدىكتەر ۆاكتسيناتسيالاۋ جانە رەۆاكسينالاۋ قارقىنىن ۇلعايتۋعا ەرەكشە ءمان بەرۋى ءتيىس»، - دەدى اسقار مامين.

اۆتور: ايجان سەرىكجان قىزى