ۇلىتاۋ ۇلتتىق پاركىن قۇرۋعا قانشا قاراجات كەتەدى؟
«ۇلىتاۋ ۇلتتىق تابيعي پاركىن قۇرۋعا قانشا قاراجات كەتەدى؟ جالپى ۇلتتىق پاركتەردى دامىتۋدىڭ كەلەشەگى قانداي؟ ودان قانداي ەكونوميكالىق تيىمدىلىك بار؟ پاركتەر ءوز-وزىن اقتاپ جاتىر ما؟ ورتالىق كوممۋنيكاتسيالار ورتالىعىندا وتكەن بريفينگىدە ەكولوگيا، گەولوگيا جانە تابيعي رەسۋرستار مينيسترلىگىنىڭ وكىلدەرىنە وسىنداي ساۋال قويىلدى.
«ۇلىتاۋ» مەملەكەتتىك ۇلتتىق تابيعي ساياباعى 2022-جىلعا ارنالعان بيۋجەتى 236 ميلليون تەڭگە بولىپ وتىر. بۇگىنگى تاڭدا بۇل قاراجات رەسپۋبليكالىق بيۋجەتتەن بولىنەدى. 2022-جىلدىڭ ءبىرىنشى قاڭتارىنان باستاپ شتات سانى جانە باسقا دا ۇيىمداستىرۋ ماسەلەلەرى ناقتى بەلگىلى بولادى»، - دەدى ورمان شارۋاشىلىعى جانە جانۋارلار دۇنيەسى كوميتەتى ءتوراعاسىنىڭ مىندەتىن اتقارۋشى ەرلان قۇتپانبايەۆ.
ونىڭ ايتۋىنشا، مەملەكەت ۇلتتىق پاركتەردى ەكونوميكالىق پايدا ءۇشىن ۇستاپ وتىرعان جوق.
«ۇلتتىق پاركتەر قۇرۋداعى نەگىزگى ماقسات، بىرىنشىدەن، تابيعاتتى كۇزەتۋ قىزمەتى. ياعني، بىرەگەي تابيعي كەشەندەردى قورعاۋعا باعىتتالعان. وسىعان بايلانىستى ۇلتتىق ساياباقتاردىڭ تابىسىن ەسەپتەۋ ەكىنشى كەزەكتەگى ماسەلە دەپ ويلايمىز»، - دەدى كوميتەت باسشىسى.
