ەلىمىزدە كەلەر جىلى دوللار قىمباتتاۋى مۇمكىن
2022 -جىلى دوللاردىڭ ورتاشا باعامى 455-470 تەڭگە ارالىعىندا بولادى. ەكونوميكا عىلىمدارىنىڭ دوكتورى، ق ر پرەزيدەنتى جانىنداعى قازاقستاندىق ستراتەگيالىق زەرتتەۋلەر ينستيتۋتىنىڭ باس عىلىمي قىزمەتكەرى ۆياچەسلاۆ دودونوۆ وسىنداي پىكىردە. بۇل كەلەر جىلى مۇناي باعاسى تاعى تومەندەيدى دەگەن بولجامعا نەگىزدەلگەن. ال قازاقستان قارجىگەرلەر قاۋىمداستىعىنىڭ ساۋالناما ناتيجەلەرىنە ساي، كەلەر جىلى دوللار 445 تەڭگەگە دەيىن قىمباتتاۋى مۇمكىن. قاۋىمداستىق كەلەسى ساۋالنامادا ۇلتتىق ۆاليۋتا باعامىن قايتا قارايتىنىن ايتتى. وعان كوۆيدتىڭ جاڭا شتاممىنىڭ تارالۋى باسەڭدەپ، رەسەيگە قارسى سانكتسيالىق تاۋەكەلدەردىڭ تومەندەۋى اسەر ەتەدى دەيدى ماماندار.
ەكونوميستەر مەن قارجىگەرلەردىڭ بولجامىن كۋرسيۆ باسىلىمى ۇسىندى. ال ەۋرازيالىق دامۋ بانكىنىڭ ساراپشىلارى دوللار باعامى 434 تەڭگە توڭىرەگىندە بولادى دەپ بولجاپ وتىر. دەگەنمەن، ا ق ش ۆاليۋتاسىنىڭ نىعايۋى مەن قارا التىن قۇنىنىنڭ قالاي قۇبىلاتىنى ءبىزدىڭ ۇلتتتىق ۆاليۋتاعا ىقپال ەتپەي قويمايتىنى بەلگىلى. سوندىقتان كەلەر جىلى تەڭگە- دوللار جۇبى ناقتى قانداي كورسەتكىشكە جەتەتىنىن قازىر ءدوپ باسىپ ايتۋ قيىن. بارلىعى تەك بولجام عانا. سيفرلىق تەڭگەدەن زيان جوق سيفرلىق تەڭگەنىڭ شىعۋى اقشا ۇسىنىسىنىڭ كولەمىن كەڭەيتپەيدى. جيىنتىق سۇرانىسقا دا تىكەلەي ىقپالى بولماۋى ءتيىس. دەمەك، ەلىمىزدەگى ينفلياتسيالىق وزگەرىستەر سيفرلىق تەڭگەنىڭ تىكەلەي اسەرىنەن تىس قالادى. ۇلتتىق بانكتىڭ جاڭا ونىمىگە قاتىستى بايانداماسىنا سۇيەنگەن ساراپشىلار وسىلاي دەيدى.
مامانداردىڭ ايتۋىنشا، سيفرلىق تەڭگەدەن قازاقستان ەكونوميكاسىندا اقشا ماسساسى ۇلعايمايدى جانە ول قارجى نارىعىندا اسا ءبىر ماڭىزدى تاۋەكەلدەر تۋدىرمايدى. دەمەك، ۇلتتىق بانكتىڭ بۇل باستاماسى جاڭا قارجىلىق ونىمدەردى ازىرلەۋگە ينفراقۇرىلىمدىق جاعداي جاسايدى. ءبىراق ەسكە سالايىق زەرتتەۋلەر مەن تەحنولوگيالىق سىناقتار ءالى اياقتالعان جوق. سوندىقتان سيفرلىق تەڭگەنى قولدانىسقا ەنگىزۋگە قاتىستى ناقتى شەشىم 2022 -جىلدىڭ ورتاسىنا قاراي قابىلدانادى.
جانگەلدى شىمشىقوۆ، ەكونوميست:
- كوشتەن قالۋعا بولمايدى. بۇكىل دۇنيەجۇزى كريپتوۆاليۋتاعا كوشىپ جاتىر. كريپتوۆاليۋتا دا كەز كەلگەن اقشا سياقتى 5 ءتۇرلى قىزمەت اتقارادى. ءبىرىنشى قۇن ولشەمى، ەكىنشى اينالىس قۇرالى، ءۇشىنشى بايلىق جيناۋ، ءتورتىنشى نەسيەلىك اقشا قىزمەتى جانە سوڭعى دۇنيەجۇزىلىك اقشا رەتىندە. نەگىزگى ماسەلە بۇل از اقشامەن اينالىستى قامتاماسىز ەتۋ. ارينە سيفرلىق ۆاليۋتاعا كوشۋ دۇرىس دەپ ەسەپتەيمىن.
قاراشادا كولىك ساۋداسى قىزدى 2021 -جىلدىڭ قورىتىندىسى بويىنشا كولىك ساۋداسى %25 كە دەيىن ءوسىم كورسەتەدى. ال رەسمي ديللەرلەر ساتقان جاڭا تەمىرتۇلپارلاردىڭ سانى 117 مىڭعا جۋىقتايدى. بۇل تۋرالى «قازاۆتوپروم» كومپانياسى باسقارما ءتوراعاسىنىڭ ورىنباسارى ارتۋر ميسكاريان مالىمدەدى. ول ءوزىنىڭ تەلەگرامم كانالىندا كولىك نارىعىنداعى وسى جىلدىڭ الدىن الا قورىتىندىسىن جاريالادى.
قاراشادا جاڭا كولىكتەر نارىعى وتكەن جىلمەن سالىستىرعاندا %13 كە وسكەن. رەسمي ديلەرلەردىڭ ساتقان تەحنيكا ۇلەسى سوڭعى ءۇش اي قاتارىنان 10 مىڭ دانا دەڭگەيىندە ساقتالادى. ايتا كەتۋ كەرەك، بيىل قويمالاردا اۆتوكولىكتەردىڭ بولماۋىنا بايلانىستى جاڭا جىل الدىنداعى ءداستۇرلى اكتسيالار بولعان جوق. ال قاراشادا ەڭ كوپ ساتىلعان كولىكتەر ءتىزىمىن شيەۆرولە ماركاسى باستاپ تۇر. ودان كەيىن لادا جانە Toyota ماركالالى تەمىرتۇلپارلار ورنالاستى.
«وميكرون» قارا التىن قۇنىن قۇلدىراتتى قارا التىن قۇنى تاعى قۇلدىرادى. وميكرون شتامىنىڭ كەسىرىنەن كەي ەلدەردە ەپيدجاعداي ۋشىعىپ جاتىر. نيدەرلاندىدا قاڭتاردىڭ 14 ىنە دەيىن لوكداۋن جاريالاندى. وزگە ەلدەر دە الداعى مەرەكەلەر قارساڭىندا كارانتيندىك شارالاردى قاتاڭداتۋى مۇمكىن. بۇل جاڭالىقتار مۇناي نارىعىنا كەرى اسەر ەتۋدە. كەشە برەنت ماركالى مۇناي باعاسى 4 پروتسەنتكە ارزانداپ، 69 دوللارعا دەيىن ءتۇستى. ال بۇگىن بۇل ماركانىڭ باعاسى 70 دوللاردان ساتىلۋدا.
www.24.kz
