رەسەي سۋ قويماسى جايىق وزەنى سۋىنىڭ قاجەتتى دەڭگەيىن ۇستاپ تۇرۋعا مۇمكىندىك بەرەدى

نۇر- سۇلتان. قازاقپارات - ق ر پرەمەر- ءمينيسترىنىڭ ورىنباسارى رومان سكليار جايىق وزەنى باسسەينىنىڭ ەكولوگيالىق احۋالىن جاقسارتۋ ءۇشىن قابىلدانىپ جاتقان ءىس- شارالاردى اتادى، دەپ حابارلايدى قازاقپارات ءتىلشىسى.

«جايىق وزەنى باسسەينىندەگى ەكولوگيالىق احۋالدى جاقسارتۋ ماقساتىندا رەسەي تاراپىمەن بىرلەسكەن ءىس- شارالار بارىسىندا 2020 -جىلعى 4- جەلتوقساندا «جايىق ترانسشەكارالىق وزەنى باسسەينىنىڭ ەكوجۇيەسىن ساقتاۋ جانە قالپىنا كەلتىرۋ جونىندەگى 2021-2024 -جىلدارعا ارنالعان قازاقستان- رەسەي ىنتىماقتاستىعى باعدارلاماسىنا» قول قويىلدى جانە وزەن سۋىن ارتتىرۋ ماسەلەسىن بىرلەسىپ شەشۋ ءۇشىن «ءىرى وزەندەر باسسەيندەرىندە (جايىق، ەرتىس جانە باسقالارى) زەرتتەۋلەر جۇرگىزۋ بويىنشا ىنتىماقتاستىقتى جانداندىرۋدىڭ ءبىرىڭعاي جول كارتاسى» بەكىتىلدى» دەلىنگەن رومان سكلياردىڭ ءماجىلىس دەپۋتاتتارى ساۋالىنا بەرگەن جاۋابىندا.

ونىڭ اتاپ وتۋىنشە، باعدارلامانىڭ ءبىرىنشى باعىتى اياسىندا «جايىق ترانسشەكارالىق وزەنىنىڭ باسسەينىندەگى اعىندى رەتتەۋدىڭ سالدارىن ەكولوگيالىق باعالاۋ جانە جايىق ترانسشەكارالىق وزەنىن ساقتاۋ جانە قالپىنا كەلتىرۋ بويىنشا عىلىمي نەگىزدەلگەن ۇسىنىستار ازىرلەۋ» تاقىرىبى بويىنشا عىلىمي- زەرتتەۋ جۇمىسىنا تەحنيكالىق تاپسىرما ازىرلەندى.

«بۇدان باسقا، كوكتەمگى ءور سۋى كەلەر الدىندا ترانسشەكارالىق وزەندەردىڭ گيدرومەتەرەولوگيالىق جاعدايلارىن ەسكەرە وتىرىپ، رەسەي فەدەراتسياسىمەن سۋ ءبولۋ كولەمىن ۇلعايتۋ جۇمىسى ءجۇرىپ جاتىر. اتاپ ايتقاندا جايىق وزەنىندەگى سۋ دەڭگەيىن ماۋسىمارالىق كەزەڭدە ۇستاپ تۇرۋ ءۇشىن ماۋسىم- تامىز ايلارىندا يريكلا سۋ قويماسىنان سۋ ءوتىمىن سەكۋندىنا 30 تەكشە مەترگە دەيىن كوبەيتۋ تۋرالى ۋاعدالاستىققا قول جەتتى»، - دەپ اتاپ وتەدى رومان سكليار.

اۆتور: مارلان جيەمباي