جاندوس بۇركىتبايەۆقا دەنساۋلىق ساقتاۋ ءمينيسترى مىندەتىن اتقارۋ جۇكتەلدى

نۇر- سۇلتان. قازاقپارات - جاندوس بۇركىتبايەۆقا دەنساۋلىق ساقتاۋ ءمينيسترى مىندەتىن اتقارۋ جۇكتەلدى. بۇل اقپاراتتى ق ر دەنساۋلىق ساقتاۋ مينيسترلىگىنىڭ باسپا ءسوز قىزمەتى راستادى، دەپ حابارلايدى قازاقپارات ءتىلشىسى.

ايتا كەتەيىك، بۇعان دەيىن جاندوس بۇركىتبايەۆ دەنساۋلىق ساقتاۋ ۆيتسە- ءمينيسترى قىزمەتىن اتقارىپ كەلگەن بولاتىن. جاندوس بۇركىتبايەۆ 1972 -جىلى 27- اقپاندا جامبىل وبلىسىندا دۇنيەگە كەلگەن. 1996 –جىلى س. اسفەندياروۆ اتىنداعى الماتى ۇلتتىق مەديتسينا ۋنيۆەرسيتەتىن (ەمدەۋ ءىسى)، 2003 -جىلى ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىن (مەملەكەتتىك جانە جەرگىلىكتى باسقارۋ)، 2007 -جىلى وڭتۇستىك قازاقستان مەملەكەتتىك مەديتسينا اكادەمياسىن (فارماتسيا)، 2018 -جىلى ق د س ج م قازاقستان مەديتسينا ۋنيۆەرسيتەتىن، 2020 -جىلى «تۇران- استانا» ۋنيۆەرسيتەتىن قۇقىقتانۋ ماماندىعى بويىنشا ءتامامداعان.

رەسەي فەدەراتسياسىنىڭ دەنساۋلىق ساقتاۋ مينيسترلىگىنىڭ ن. ي. پيروگوۆ اتىنداعى ۇلتتىق مەديكو- حيرۋرگيالىق ورتالىعىنىڭ دوكتورانتى.

ەڭبەك جولى: الماتى قالاسىنداعى شۇعىل مەديتسينالىق كومەكتىڭ قالالىق كلينيكالىق اۋرۋحاناسىنىڭ دارىگەرى (1996-1998)؛

الماتى قالاسىنداعى رەسپۋبليكالىق اپاتتار مەديتسيناسى ورتالىعىنىڭ دارىگەرى (1998-1999)؛

قازاقستان رەسپۋبليكاسى دەنساۋلىق ساقتاۋ، ءبىلىم جانە سپورت مينيسترلىگىنىڭ، ءبىلىم جانە عىلىم باسقارماسىنىڭ باس مامانى (1999-2000)؛

قازاقستان رەسپۋبليكاسى دەنساۋلىق ساقتاۋ ىستەرى جونىندەگى اگەنتتىگىنىڭ ءدارى- دارمەك ساياساتى، مەديتسينالىق جانە فارماتسيەۆتيكالىق ونەركاسىپتى دامىتۋ، ۇيىمداستىرۋ- باقىلاۋ جۇمىسى ءبولىمىنىڭ باس مامانى (2000-2001)؛

ق ر د س م فارماتسيەۆتيكالىق جانە مەديتسينالىق ونەركاسىپ جانە اقپاراتتىق- تالدامالىق سۇيەمەلدەۋ ءبولىمىنىڭ باستىعى (2001-2002)؛

ق ر د س م فارماتسيەۆتيكالىق جانە مەديتسينالىق ونەركاسىپ جانە ءدارى- دارمەك ساياساتى باسقارماسىنىڭ باستىعى (2002-2004)؛

«اقتوبە رەنتگەن» ا ق كەڭەسشىسى (2005-2007)؛

ق ر پارلامەنت ءماجىلىسىنىڭ الەۋمەتتىك- مادەني دامۋ بويىنشا كوميتەتىنىڭ قىزمەتتى قامتاماسىز ەتۋ ءبولىمى مەڭگەرۋشىسىنىڭ ورىنباسارى (2007-2008)؛

استانا قالاسىنىڭ «قان ورتالىعى» ش ج ق ق ك ك باسشىسى (2008-2011)؛

ق ر دەنساۋلىق ق ر د س م «ترانسفۋزيولوگيا عىلىمي- وندىرىستىك ورتالىعى» ش ج ق (2011-2019)؛

ق ر د س م «ۇلتتىق عىلىمي ونكولوگيالىق ورتالىق» ج ش س باسقارما ءتوراعاسى (2019-2021).

2021 -جىلدىڭ قاڭتارىنان بەرى ۆيتسە- مينيستر قىزمەتىندە.

ەسكە سالا كەتەيىك، بۇگىن مەملەكەت باسشىسىنىڭ جارلىعىمەن الەكسەي سوي قازاقستان رەسپۋبليكاسىنىڭ دەنساۋلىق ساقتاۋ ءمينيسترى لاۋازىمىنان بوساتىلعان ەدى.

اۆتور: مارلان جيەمباي