16:25, 20 - جەلتوقسان 2021 | GMT +5
پرەزيدەنت نۇر- سۇلتان قالاسىنىڭ اكىمى التاي كولگىنوۆتى قابىلدادى
نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ نۇر- سۇلتان قالاسىنىڭ اكىمى التاي كولگىنوۆتى قابىلدادى، دەپ حابارلايدى قازاقپارات اقورداعا سىلتەمە جاساپ.
پرەزيدەنتكە 11 اي ىشىندەگى ەلوردانىڭ الەۋمەتتىك- ەكونوميكالىق جانە ينفراقۇرىلىمدىق دامۋى تۋرالى اقپارات بەرىلدى. سونىمەن قاتار مەملەكەت باسشىسىنا نۇر- سۇلتان قالاسىنداعى ەپيدەميولوگيالىق احۋالدى تۇراقتاندىرۋ ءۇشىن جۇزەگە اسىرىلىپ جاتقان شارالار جانە حالىققا ۆاكسينا سالۋ جۇمىستارىنىڭ بارىسى تۋرالى باياندالدى.
قاسىم- جومارت توقايەۆ التاي كولگىنوۆكە جىلۋمەن قامتۋ، ينفراقۇرىلىم، ينجەنەرلىك جەلىلەر، الەۋمەتتىك تۇرعىن ۇيلەر مەن نىسانداردىڭ قۇرىلىسى سياقتى سالالار بويىنشا قوردالانعان ماسەلەلەردى شەشۋگە قاتىستى، سونداي- اق شاعىن جانە ورتا بيزنەستى دامىتۋ، جاڭا جۇمىس ورىندارىن اشۋ ءۇشىن قولايلى جاعداي جاساۋ جونىندە ءبىرقاتار تاپسىرما بەردى.
