يۆان دىچكو ەلورداداعى جەڭىسىنەن كەيىن ا ق ش- تا ونەر كورسەتەدى
«يۆان امەريكادا بوكستاسادى. جاڭا جىلدان كەيىن - قاڭتار ايىندا ايقاسقا دايىندىققا اتتانادى. ول رينگكە اقپان ايىندا شىعادى دەپ جوسپارلانۋدا. ونىڭ جەكپە-جەگىن امەريكالىق تەلەارنا كورسەتەدى»، - دەپ ءمالىم ەتتى ز. اليەۆ «سپورت شرەدينگەراعا».
ەسكە سالايىق، يۆان دىچكو 18- جەلتوقسان كۇنى ەلوردادا تاۋەلسىزدىكتىڭ 30 جىلدىعىنا وراي وتكەن كاسىپقوي بوكس كەشىندە ونەر كورسەتتى.
ول ءبىرىنشى راۋندتا تەحنيكالىق نوكاۋتپەن رەسەيلىك الەكساندر ۋستينوۆتى (36-5-1، 27 ك و) جەڭدى.
كەشتىڭ باستى ايقاسى دانيار ەلەۋسىنوۆ (11-0، 6 ك و) پەن ارگەنتينالىق حۋان ەرنان لەال (15-2، 4 ك و) اراسىندا ءوتىپ، كەزدەسۋ قازاقستاندىق بوكسشىنىڭ جەڭىسىمەن اياقتالدى.
د. ەلەۋسىنوۆ IBO- نىڭ ۆاكانتتى بەلدىگىن يەلەندى.
سونداي-اق كەش بارىسىندا ەرجان زاليلوۆ ەسكەندىر حارسانمەن جۇدىرىقتاسىپ، قازاقستان چەمپيونى اتاعىنا يە بولدى.
وزگە ناتيجەلەر:
1. يۆان دىچكو (قازاقستان) الەكساندر ۋستينوۆتى (رەسەي) جەڭدى.
2. ەلحان تابىنبايەۆ (قازاقستان) ەلمار ابدۋللايەۆتى (ازەربايجان) جەڭدى.
3. اقنيەت ءالىمباي (قازاقستان) زاينوبيددين سوبيروۆتى (وزبەكستان) جەڭدى.
4. ايدار ءامىرزاقوۆ (قازاقستان) ديلشودبەك يسرويلوۆتى (وزبەكستان) جەڭدى.
5. اسقات جانتۇرسىنوۆ (قازاقستان) سۋرات گارايەۆتان (ازەربايجان) جەڭىلىپ قالدى.
6. ساپارباي ايداروۆ (قازاقستان) اندرەي شەمەتوۆتى (ۋكراينا) جەڭدى.
7. ايدار شارىبايەۆ (قازاقستان) شوحرۋح ابديەۆتى (رەسەي) جەڭدى.
8. داۋلەت داۋكەنوۆ (قازاقستان) ەلدوربەك سايدوۆتى (وزبەكستان) جەڭدى.
9. انگەلينا لۋكاس (قازاقستان) سۆەتلانا ۆاسيليەۆسكايانى (ۋكراينا) جەڭدى.
10. داۋرەن ەلەۋسىنوۆ (قازاقستان) الي ماممادوۆتى (ازەربايجان) جەڭدى.
11. جانقوش تۇراروۆ (قازاقستان) ابدۋمونەم سايدتى (مىسىر) جەڭدى.
بوكس كەشى «حابار» تەلەارناسىنىڭ تىكەلەي ەفيرىنەن كورسەتىلدى.
