ۇلى بريتانيادا كووروناۆيرۋس جۇقتىرعاندار سانى رەكوردتىق كورسەتكىشكە جەتتى
رەسمي مالىمەتتەرگە سايكەس، سارسەنبىدە 10 مىڭعا جۋىق ادامعا «وميكرون» دياگنوزى قويىلدى، دەگەنمەن ۇلى بريتانيادا كوروناۆيرۋستىڭ جاڭا مۋتاتسياسى بار ادامدار سانى ەكى ەسە كوپ بولۋى مۇمكىن.
وسىعان بايلانىستى فرانسيا ۇلى بريتانيا ازاماتتارىنا ەلگە ەركىن كىرۋگە تىيىم سالدى.
فرانسۋز بيلىگىنىڭ مالىمدەمەسىندە «وميكرون» نۇسقاسىنىڭ تەز تارالۋىنا بايلانىستى ەلگە كىرۋگە ساياحاتتاۋعا «ناقتى سەبەبى بار» بريتاندىقتارعا عانا رۇقسات ەتىلەدى جانە ولار فرانسياعا كىرگەندە دە، شىققاندا دا تەست جاساۋعا مىندەتتى.
سارسەنبى كۇنگى مالىمەتتەر بويىنشا، فرانسيادا كوۆيدپەن 65,7 مىڭ ادام اۋىرعان، ونىڭ ىشىندە تەك 240 ى «وميكرونعا» تيەسىلى.
سەنبى كۇنى ءتۇن ورتاسىنان باستاپ كۇشىنە ەنەتىن جاڭا ەرەجەلەرگە سايكەس، ۇلى بريتانيادان فرانسياعا بارۋ ءۇشىن ۆاكسينا العان جانە الماعان ساياحاتشىلار ەلگە كىرۋ ءۇشىن ناقتى سەبەبىن ايتۋ كەرەك. تۋريستىك جانە ىسكەرلىك ساپارلار بۇعان كىرمەيدى.
فرانسيا ازاماتتارى، ولاردىڭ سەرىكتەستەرى مەن بالالارى ەشقانداي سەبەپسىز ۇيلەرىنە ورالا الادى. فرانسياعا كىرۋگە رۇقسات ەتىلسە دە، بارلىق كەلۋشىلەر ءبىر اپتا ىشىندە وقشاۋلانۋعا مىندەتتى.
ءبىراق، تەرىس تەست ۇسىنىلعان جاعدايدا وقشاۋلانۋدى 48 ساعاتتان كەيىن توقتاتۋعا بولادى. بۇل شەكتەۋلەر اۋىر جۇك كولىگىنىڭ جۇرگىزۋشىلەرىنە قاتىستى ەمەس، دەدى ۇلى بريتانيا كولىك ءمينيسترى گرانت شاپپس.
