10:35, 17 - جەلتوقسان 2021 | GMT +5
استانادا مەملەكەتتىك تۋدى سالتاناتتى كوتەرۋ ءراسىمى ءوتتى
نۇر-سۇلتان. قازاقپارات - نۇر-سۇلتان قالاسىندا مەملەكەتتىك تۋدى سالتاناتتى كوتەرۋ ءراسىمى ءوتتى، دەپ حابارلايدى قازاقپارات.
«16-جەلتوقسان ەلىمىزدە مەملەكەتتىك مەرەكە - قازاقستان رەسپۋبليكاسىنىڭ تاۋەلسىزدىگى كۇنى. سالتاناتتى مەيرامعا وراي «اتامەكەن» ەتنو- مەموريالدىق كەشەنىنىڭ اۋماعىندا تۋ كوتەرۋ ءراسىمى ءوتتى»، - دەپ جازىلعان ق ر پرەزيدەنتى تەلەراديوكەشەنىنىڭ رەسمي اككاۋنتىندا.
ق ر مەملەكەتتىك كۇزەت قىزمەتىنىڭ قۇرمەتتى قاراۋىلى تاۋەلسىزدىك مەرەكەسىنىڭ 30 جىلدىق مەرەكەسىنە وراي مەملەكەتتىك تۋدى سالتاناتتى جاعدايدا كوتەرۋ ءۇشىن ەتنو-مەموريالدىق كەشەن الدىندا ساپ تۇزەدى. تۋتۇعىرداعى كوك بايراعىمىز كوككە كوتەرىلگەننەن كەيىن ءانۇران شىرقالدى.
