تاۋەلسىزدىك كۇنى: الماتى قۇتقارۋشىلارى قازاقستاندىقتاردى ەرەكشە قۇتتىقتادى
الماتىلىق قۇتقارۋشىلار جاڭادان اشىلعان ءورت ءسوندىرۋ دەپوسىنا بەرىلگەن سۋ جاڭا كولىكتەردەن تاۋەلسىزدىك كۇنىنە وراي «30» سانىن جازىپ قۇتتىقتادى. سونداي-اق وسى كۇنى قالادا جاڭا ءورت ءسوندىرۋ دەپوسى اشىلدى. ونىڭ جالپى الاڭى - 3524 شارشى مەتر. 6 شاقىرىلىمعا ەسەپتەلگەن، وقيعا ورنىنا دەيىن جول ءجۇرۋ ۋاقىتىن قىسقارتۋعا مۇمكىندىك بەرەدى جانە الاتاۋ اۋدانىنىڭ يندۋستريالدى ايماعىن، ونىڭ ىشىندە سايالى، كوك-قاينار، توميريس، مادەنيەت شاعىناۋداندارى مەن 71 رازەزدىڭ ءورت قاۋىپسىزدىگىن قامتاماسىز ەتۋ جونىندەگى جۇمىستىڭ تيىمدىلىگىن ارتتىرادى. اۋداننىڭ بەلسەندى دامۋىن ەسكەرە وتىرىپ، ءورت سوندىرۋگە ارنالعان تەحنيكامەن قاتار، بولىك ارنايى اۆتوتەحنيكامەن جابدىقتالعان، ونىڭ ىشىندە بيىك عيماراتتارعا ارنالعان.
«مۇندا 131 قىزمەتكەر جۇمىس ىستەيدى. بولىمدە نەگىزگى جانە ارنايى ماقساتتاعى 10 زاماناۋي ءورت ءسوندىرۋ اۆتوموبيلدەرى ورنالاسادى. جەكە قۇرام ءۇشىن تۇرمىستىق ءۇي- جايلار، دەمالىس بولمەلەرى، پسيحولوگيالىق جەڭىلدەتۋ بولمەسى، ترەناجەر سپورت زالى قاراستىرىلعان»، - دەدى الماتى قالاسى ت ج د باسشىسى رۋسلان قاسىمبايەۆ.
كاسىبي دايىندىق ءۇشىن وقۋ- جاتتىعۋ مۇناراسى، كەدەرگىلەرى بار 100 مەترلىك جولاق بار. سونداي-اق گارنيزون قىزمەتكەرلەرى ءۇشىن جاتاقحانا مەن پاتەرلەر قاراستىرىلعان. بۇگىنگى كۇنى قالادا ورتكە قارسى قىزمەتتىڭ 18 بولىمشەسى جۇمىس ىستەيدى.
«جاڭا الماتى» كەشەندى جوسپارىن ورىنداۋ اياسىندا الماتى اكىمدىگىنەن 33 بىرلىك ءورت ءسوندىرۋ اۆتوتەحنيكاسى، ءورت سورعى ستانسياسى، ەكى ءورت ءسوندىرۋ اۆتوتسيستەرناسى، 14 ءورت ءسوندىرۋ اۆتوتسيستەرناسى، 7 جىلدام ارەكەت ەتۋ اۆتوموبيلى، جەڭدىك اۆتوموبيل، اۆاريالىق- قۇتقارۋ اۆتوموبيلى، ءۇش ۋاز اۆتوموبيلى، شاعىن اۆتوبۋس، ساموسۆال، ەكى جۇك اۆتوموبيلى الىندى.
