جانىمدى بەرسەم دە ۆاكسينا جاساۋعا قاتىسام: كۇنسۇلۋ زاكاريا ەسىندە ەرەكشە قالعان ەرىكتى جايلى ايتتى
«حابار 24» تەلەارناسىنان بەرىلەتىن «انىعىن ايتقاندا» حابارىندا كۇنسۇلۋ زاكاريا QazVac-تى كلينيكالىق زەرتتەۋ جۇمىسى قالاي باستالعانىن ەسكە الدى.
«ءبىز اۋەلى ۆاكسينانىڭ كلينيكالىق زەرتتەۋلەرى باستالعانىن ايتىپ اقپارات تاراتتىق. ەرىكتىلەر ءوزى كەلدى. جان- جاقتان ءبىزدىڭ رەسمي پوشتامىزعا جازىپ جاتتى. سونىڭ ىشىندە قازاقتىڭ ءبىر جىگىتى ەرەكشە ەسىمدە قالدى. بىلاي دەپ جازادى: «مەن ەركىتى بولعىم كەلەدى». ءبىز وعان جاۋاپ جازدىق. «ول وتە قاۋىپتى. ءالى زەرتتەلمەگەن ۆاكسينا، ويلانىڭىز» دەپ ەسكەرتتىك. سوندا ول بالانىڭ جازعانى عوي. ءبىزدىڭ قازاقتىڭ ەر ازاماتى! «مەن جانىمدى بەرسەم دە، بۇعان قاتىسقىم كەلەدى» دەپ جازدى ول. قاراڭىزشى، قازىرگى مىنانداي زاماندا ارامىزدا وسىنداي كەرەمەت ازاماتتارىمىز بار»، - دەدى عالىم.
سونداي- اق، ول وسى ىسكە اتسالىسقان 3244 ەرىكتىنى «قازاقستاننىڭ باتىرلارى» دەپ اتادى. «ەرىكتىلەردىڭ جەكە باس دەرەكتەرىن قۇپيا ۇستاۋ كەرەك بولعاندىقتان، ول جىگىتتىڭ اتى- ءجونىن ايتا المايمىن. دەگەنمەن وسىنداي ازاماتتارىمىزبەن ماقتانۋىمىز كەرەك. جالپى QazVac-تىڭ كلينيكالىق زەرتتەۋىنە 3244 ەرىكتى قاتىستى. ولارعا شىنايى ريزاشىلىعىمدى بىلدىرەمىن. ءبارىمىز العىس ايتۋىمىز كەرەك. نەگە دەسەڭىز، بۇل ەندى عانا شىعىپ جاتقان ءونىم ەدى. 3244 باتىرىمىز تاۋەكەلگە باردى. بارىنە كوپ راحمەت»، - دەدى كۇنسۇلۋ زاكاريا.
اۆتور: ەسىمجان ناقتىباي
