قازاقستاندىق «مىستان» سەريالى بەرلين فەستيۆالىندە ۇزدىك دراما اتاندى
بۇل جايىندا Salem Social Media كومپانياسى شىعارعان «مىستان» تەلەحيكاياسىنىڭ اتقارۋشى پروديۋسەرى اننا دارمودەحينا ءمالىم ەتتى.
«ءبىزدىڭ تۋىندى قاتىسقان ءۇشىنشى فەستيۆالدە دە جەڭىسكە جەتتى. «مىستان» تەلەسەريالى Webfest Berlin فەستيۆالىندە «ۇزدىك دراما» اتالىمىن جەڭىپ الدى» دەپ جازدى اننا دارمودەحينا Facebook پاراقشاسىندا.
ايتا كەتەيىك، «مىستان» ۆەب سەريالىنىڭ تۇساۋى بيىلعى 24- ماۋسىمدا كەسىلگەن بولاتىن. تەلەحيكايا ەر ادامدار تاراپىنان زورلىق- زومبىلىققا ۇشىراعان ءۇش ايەلدىڭ تاعدىرى جايلى باياندايدى. ولار قوعامدا ايەل قۇقىعى تاپتالىپ جاتقانىنا شىداماي، كۇرەسۋگە بەل بۋادى. العاشقىدا قىزدار وزدەرىن رەنجىتكەن جانداردى زاڭ اياسىندا جازالاماق بولادى. دەگەنمەن، ماقساتقا جەتۋ كوپ كۇش پەن ۋاقىتتى تالاپ ەتەتىنىن ءتۇسىنىپ، ويىنداعىنى ىسكە اسىرۋدىڭ باسقا جولىن تاڭدايدى. قاستاندىق جاساعانداردى بىرتىندەپ ۇستاپ، وزدەرى جازالايدى. ولاردىڭ ويىنشا، ادىلدىك ورناتۋدىڭ تەك ءبىر عانا جولى بار، ول - كەك الۋ.
اۆتور: جانات قاپالبايەۆا
