قازاقستاندا ۋاقىتشا تۇرۋعا رۇقساتتى قالاي راسىمدەۋگە بولادى
ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ۋاقىتشا تۇرۋعا ىقتيارحات - شەتەلدىك ازاماتقا ەل اۋماعىندا بولۋ ماقساتىنا قاراي بەلگىلى ءبىر مەرزىمگە تۇرۋ قۇقىعىن بەرەتىن قۇجات.
«ۋاقىتشا تۇرۋعا ىقتيارحات كەلەسى ماقساتتار ءۇشىن 1 جىلعا دەيىنگى مەرزىمگە بەرىلەدى: ەڭبەك قىزمەتىن جۇزەگە اسىرۋ، وتباسىن بىرىكتىرۋ، وقۋ، بيزنەس يمميگرانت رەتىندەگى كاسىپكەرلىك قىزمەت جانە ەمدەلۋ. قابىلداۋشى تاراپ (جەكە نەمەسە زاڭدى تۇلعا) شەتەل ازاماتىنىڭ تۇراتىن جەرى بويىنشا كوشى- قون قىزمەتىنىڭ بولىمشەلەرىنە وتىنىشپەن جۇگىنەدى. ۋاقىتشا تۇرۋعا ىقتيارحاتتىڭ ۋاقتىلى رەسىمدەلمەگەنى ءۇشىن قابىلداۋشى تاراپ جاۋاپتى»، - دەدى ش ق و دپ كوشى- قون قىزمەتى باسقارماسىنىڭ باستىعى ەربول بەكپايەۆ.
وتىنىشكە شەتەلدىك ازاماتتىڭ ءتولقۇجاتى مەن وسى ەلدە بولۋ ماقساتىن راستايتىن قۇجات قوسا بەرىلۋى ءتيىس. 16 جاستان اسقان بالالار ۋاقىتشا تۇرۋعا رۇقساتقا ءوتىنىش بەرۋى كەرەك. وتىنىشكە بالانىڭ تۋۋ تۋرالى كۋالىگى قوسا بەرىلۋى ءتيىس.
ايتا كەتەيىك، ۋاقىتشا تۇرۋعا ىقتيارحاتتىڭ ۋاقتىلى رەسىمدەلمەۋى جانە شەتەلدىكتىڭ قازاقستان رەسپۋبليكاسىنان مەرزىمى اياقتالعاننان كەيىن شىقپاۋى ونىڭ جانە قابىلداۋشى تاراپتىڭ اكىمشىلىك جاۋاپكەرشىلىككە تارتىلۋىنا اكەلىپ سوعادى.
اۆتور: تالعاتجان مۇحامەتبەك ۇلى
