بىرنەشە عاسىردان بەرى ءۇزىلىپ قالعان دەربەس مەملەكەتتىلىك ءداستۇرىمىزدى قايتا جالعادىق - ق ر پرەزيدەنتى
بۇل تۋرالى تاۋەلسىزدىكتىڭ 30 جىلدىعىنا ارنالعان سالتاناتتى ءىس- شارا ق ر پرەزيدەنتى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.
«قۇرمەتتى وتانداستار! ارداقتى اعايىن!
بارشاڭىزدى قاستەرلى تاۋەلسىزدىگىمىزدىڭ مەرەيلى بەلەسىمەن شىن جۇرەكتەن قۇتتىقتايمىن! ءبىز وسىدان 30 جىل بۇرىن بابالار ارمانىن اقيقاتقا اينالدىردىق. جاڭا قازاق مەملەكەتى قۇرىلعانىن دۇنيە جۇزىنە پاش ەتىپ، تاۋەلسىزدىگىمىزدى جاريالادىق. بىرنەشە عاسىردان بەرى ۇزىلىك قالعان دەربەس مەملەكەتتىلىك ءداستۇرىمىزدى قايتا جالعادىق. شىن مانىندە ەگەمەندىك - ەلدىڭ بارىنە بۇيىرا بەرمەيتىن باق. الەمدە سان ميلليون حالقى بولعانىمەن، ۇلتاراقتاي جەرى جوق قانشاما ۇلت بار. ال، قازاقتىڭ پەشەنەسىنە ءوز مەملەكەتىن قۇرۋ باقىتى جازىلدى. بۇل - ۇلى باقىت، ۇلتتىڭ باقىتى! بۇدان اسقان قۋانىش، بۇدان بيىك مارتەبە بار ما؟!»، - دەدى مەملەكەت باسشىسى.
ق ر پرەزيدەنتى تاۋەلسىزدىك ەڭ قاسيەتتى، قاستەرلىك قۇندىلىعىمىز، ەڭ باستى بايلىعىمىز ەكەندىگىن باسا ايتتى.
«حالقىمىز ەگەمەندىكتىڭ قادىر- قاسيەتىن جان- جۇرەگىمەن سەزىنەدى. ويتكەنى، ءبىز ازاتتىقتىڭ قۇنى قانداي ەكەنىن جاقسى بىلەمىز. بوستاندىق جولىندا تالاي باتىرلارىمىز قۇربان بولدى. قانشاما قيىن كۇندەر باسىمىزدان ءوتتى. ءبىراق، حالقىمىز بارلىق سىناقتى قايىسپاي كوتەردى»، - دەدى قاسىم- جومارت توقايەۆ.
اۆتور: مارلان جيەمباي
