12:15, 15 - جەلتوقسان 2021 | GMT +5
الماتى وبلىسى تالعار اۋدانىنىڭ ەكس- اكىمىنە ۇكىم شىقتى
نۇر-سۇلتان. قازاقپارات - الماتى وبلىسى تالعار اۋدانىنىڭ بۇرىنعى اكىمى س. ەرەكەشەۆ پەن ءبولىم باسشىسىنا سوت ۇكىمى شىقتى، دەپ حابارلايدى قازاقپارات ق ر سىبايلاس جەمقورلىققا قارسى ءىس- قيمىل اگەنتتىگىنە سىلتەمە جاساپ.
«اعىمداعى جىلدىڭ 14-جەلتوقسانىندا الماتى وبلىسى تالعار اۋداندىق سوتىنىڭ ۇكىمىمەن تالعار اۋدانىنىڭ بۇرىنعى اكىمى ەرەكەشەۆ سوتتالىپ، وعان 59,4 ميلليون تەڭگە ايىپپۇل سالىندى. وسى ۇكىممەن تالعار اۋدانىنىڭ تۇرعىن ءۇي- كوممۋنالدىق شارۋاشىلىق جانە تۇرعىن ءۇي ينسپەكسياسى ءبولىمىنىڭ باسشىسى شامايەۆ 29,7 ميلليون تەڭگە ايىپپۇلعا سوتتالدى»، - دەلىنگەن حابارلامادا.
ءمالىم ەتىلگەندەي، اتالعان لاۋازىمدى تۇلعالار ج ش س ديرەكتورىنان سۋمەن جابدىقتاۋ جۇيەسىنىڭ قۇرىلىسى بويىنشا ورىندالعان جۇمىستاردىڭ اكتىلەرىنە قول قويعانى جانە ج ش س- نى مەملەكەتتىك قىزمەتتەردى جوسىقسىز جەتكىزۋشى دەپ تانۋ تۋرالى سوتقا تالاپ-ارىز جىبەرمەۋ ءۇشىن 2 ميلليون تەڭگە سوماسىندا پارا العان. ۇكىم زاڭدى كۇشىنە ەنگەن جوق.
