اۋىل شارۋاشىلىعىندا پلاستيكتى پايدالانۋ ادامزات بولاشاعىنا قاۋىپ توندىرەدى
ۇيىمنىڭ مالىمەتىنشە، بۇگىنگە دەيىن توپىراقتا مۇحيتتارعا قاراعاندا كوبىرەك ميكروپلاستيكتەر جيناقتالعان.
بۇل ازىق- تۇلىك جانە اۋىلشارۋاشىلىق ونەركاسىبىندە قولدانىلاتىن ميلليونداعان توننا پلاستيككە قاتىستى. ميكروپلاستيكتەر (ۇلكەن پلاستماسسا بولشەكتەرى ىدىراعاندا پايدا بولادى) ادام مەن جانۋارلاردىڭ دەنەسىنە تاماق ارقىلى تۇسەدى. ونىڭ قۇرامىندا ولىمگە جانە پاتوگەندىك اۋرۋلارعا اكەلەتىن ۋلى قوسپالار بار.
زەرتتەۋشىلەر كەيبىر تەڭىز جانۋارلارى ميكروپلاستيكتەردەن زارداپ شەگەتىنىن انىقتادى، ءبىراق ونىڭ باسقا ءتىرى زاتتارعا، سونىڭ ىشىندە ادامدارعا تيگىزەتىن اسەرى ءالى تولىق زەرتتەلمەگەن.
بىرىككەن ۇلتتار ۇيىمى ميكروپلاستيكالىق لاستانۋ دا جاھاندىق الاڭداۋشىلىق تۋعىزاتىنىن ايتتى. ۇيىمنىڭ مالىمەتىنشە، 2019 -جىلى اۋىل شارۋاشىلىعى مەن مال شارۋاشىلىعىندا ازىق- تۇلىك ونىمدەرىن وندىرۋگە 37,3 ميلليون توننا پلاستيك پايدالانىلعان. دەگەنمەن، بۇل سەكتورداعى پلاستيكتىڭ از عانا بولىگى جينالىپ، قايتا وڭدەلەدى.
