قارسىلاسىن ءبىرىنشى راۋندتا نوكاۋتقا تۇسىرگەن احمەدوۆ جەكپە-جەكتەن شەتتەلدى

نۇر-سۇلتان. قازاقپارات - ەكىنشى ورتا سالماقتاعى قازاقستاندىق بوكسشى الي احمەدوۆ (18-1، 14 ك و) قاتارىنان ەكىنشى ايقاسىن نوكاۋتپەن جەڭدى، دەپ حابارلايدى Vesti.kz.

ا ق ش- تىڭ مونتەبەللو قالاسىندا وتكەن Hollywood Fight Nights بوكس كەشىندە وتكەن جەكپە-جەكتە احمەدوۆ ءبىرىنشى راۋندتا مەكسيكالىق پول ۆالەنسۋەلانى (26-11، 17 ك و) نوكاۋتقا ءتۇسىردى.

بۇل كەزدەسۋدەن كەيىن كاليفورنيا شتاتىنىڭ اتلەتيكالىق كوميسسياسى (CSAC) ەكى بوكسشىنى دا جەكپە-جەكتەردەن شەتتەتى: احمەدوۆ رينگكە 2021-جىلدىڭ 16- جەلتوقسانىنا دەيىن، ال مەكسيكالىق 2022-جىلدىڭ 24- قاڭتارىنا دەيىن شىعا المايدى.

مۇنداي شارا قالىپتى جاعداي جانە بوكسشىلاردىڭ قالپىنا كەلۋىنە باعىتتالعان مەديتسينالىق سيپاتقا يە.