التىنبەك قورازباي ۇلى، نۇرعالي ءنۇسىپجانوۆ، ەسمۇحان وبايەۆ وردەنمەن ماراپاتتالدى
«بۇگىن مادەنيەت جانە سپورت ءمينيسترى اقتوتى رايىمقۇلوۆا قازاقستان رەسپۋبليكاسى تاۋەلسىزدىگىنىڭ 30 جىلدىعى قارساڭىندا قازاقستان رەسپۋبليكاسى پرەزيدەنتىنىڭ 2021 -جىلدىڭ 2 - جەلتوقسانىنداعى № 700 جارلىعىمەن مەملەكەتتىك جانە قوعامدىق قىزمەتتەگى سىڭىرگەن ەڭبەگى، ەلدىڭ الەۋمەتتىك- ەكونوميكالىق جانە مادەني دامۋىنا، حالىقتار اراسىنداعى دوستىق پەن ىنتىماقتاستىقتى نىعايتۋعا قوسقان ەلەۋلى ۇلەسى ءۇشىن ءبىر توپ ازاماتقا مەملەكەتتىك ناگرادالاردى تابىستادى. ءىس- شارا بارىسىندا ءسوز العان اقتوتى رايىمقۇلوۆا مەملەكەتتىك ناگرادامەن ماراپاتتالعان قايراتكەرلەردى قۇتتىقتاپ، شىعارماشىلىق تابىستار مەن الداعى جۇمىستارىنا ساتتىلىك تىلەدى»، - دەلىنگەن اتالعان مينيسترلىك تاراتقان اقپاراتتا.
سونىمەن 1 -دارەجەلى «بارىس» وردەنى مۇحتار اۋەزوۆ اتىنداعى قازاق ۇلتتىق دراما تەاترىنىڭ كەڭەسشىسى ەسمۇحان وبايەۆ پەن روزا باعلانوۆا اتىنداعى «قازاقكونسەرت» مەملەكەتتىك كونسەرتتىك ۇيىمىڭ الماتى قالاسىنداعى فيليالىنىڭ ديرەكتورى التىنبەك قورازباي ۇلىن تابىستالدى.
ال سپورت ارداگەر امەن تۇقوۆقا Ⅱ دارەجەلى «بارىس» وردەنى، Ⅲ دارەجەلى «بارىس» وردەنىمەن جامبىل اتىنداعى قازاق مەملەكەتتىك فيلارمونياسىنىڭ ءارتىسى نۇرعالي ءنۇسىپجانوۆ پەن تەمىربەك جۇرگەنوۆ اتىنداعى قازاق ۇلتتىق ونەر اكادەمياسىنىڭ كوركەمسۋرەت كافەدراسىنىڭ پروفەسسورى ەسكەن سەرگەبايەۆ ماراپاتتالدى.
مۇنان بولەك «پاراسات» وردەنى مۇحتار اۋەزوۆ اتىنداعى قازاق ۇلتتىق دراما تەاترىنىڭ ءارتىسى بولات ءابدىلمانوۆقا، «SANALI Group» جاۋاپكەرشىلىگى شەكتەۋلى سەرىكتەستىگى ديرەكتورىنىڭ ورىنباسارى بايكەن اشىربايەۆقا، اقان سەرى اتىنداعى وبلىستىق فيلارمونياسىنىڭ كامەرالىق حورىنىڭ حورمەيستەرى يۋريي كولچينگە، شاكەن ايمانوۆ اتىنداعى «قازاقفيلم» اكسيونەرلىك قوعامىنىڭ دىبىس رەجيسسەرى قادىر قوسايعا، رەجيسسەر امانگەلدى تاجبايەۆقا، مادەنيەتتانۋشى اباي تىنىبەكوۆكە تابىستالدى. تۇركسوي باس حاتشىسى دۇيسەن قاسەيىنوۆ 1 - دارەجەلى «دوستىق» وردەنىن يەلەندى. ال Ⅱ دارەجەلى «دوستىق» وردەنى ماكسيم گوركي اتىنداعى مەملەكەتتىك اكادەميالىق ورىس دراما تەاترىنىڭ ءارتىسى ەكاتەرينا ماكسيم مەن گەرمانيالىق ءانشى فريدريح پاۆەلگە بەرىلدى.
