زەينەتاقى جيناعىن «وتباسى بانككە» اۋدارۋ: دەپوزيتتى قالاي پايدالانۋعا بولادى
«دوستار، جاقىن ارادا سىزدەر ءوزىڭىزدىڭ ءبىرجولعى زەينەتاقى تولەمدەرىڭىزدى enpf-otbasy.kz ونلاين- پلاتفورماسى ارقىلى «وتباسى بانكتەگى» دەپوزيتىڭىزگە اۋدارا الاتىن بولاسىزدار! «وتباسى بانكتەگى سالىمدى تولىقتىرۋ» باتىرماسى قاشان جانە قالاي پايدا بولاتىنىن ءسال كەيىن جاريالايمىز. ال ازىرشە ب ز ت ەسەبىنەن تولىقتىرىلعان دەپوزيتپەن نە ىستەۋگە بولاتىنى جانە نە ىستەۋگە بولمايتىنى تۋرالى اقپاراتپەن تانىسىڭىزدار»، - دەلىنگەن جازبادا.
سونىمەن، زەينەتاقى جيناعىنداعى تومەن جەتكىلىكتىلىك مولشەرىنەن ارتىلعان اقشانى دەپوزيتكە اۋدارعان جاعدايدا مىنا ارەكەتتەردى ىسكە اسىرۋعا جول بەرىلەدى: ب ز ت قوسىلعان دەپوزيتتەرگە تۇرعىن ءۇي قۇرىلىس جيناعىنىڭ ستاندارتتى شارتتارى قولدانىلاتىن بولادى. ياعني دەپوزيتتەرگە بانكتىڭ جىلدىق %2 مولشەرىندەگى سىياقىسى جانە %20 مەملەكەتتىك سىيلىقاقى (جىل ناتيجەسى بويىنشا جيناقتالعان 200 ا ە ك-تەن اسپايتىن جيناق سوماعا) ەسەپتەلەدى. ب ز ت قوسىلعان دەپوزيت كومەگىمەن تۇرعىن ءۇيدى 3 جىل ىشىندە ساتىپ الۋ قاجەت بولادى. ەگەر بانك كليەنتتەرى ب ز ت قوسىلعان دەپوزيتتى كورسەتىلگەن مەرزىم ىشىندە پايدالانباسا، اقشا ب ج ز ق- عا قايتارىلادى. ال مىناداي ارەكەتتەرگە جول بەرىلمەيدى:
1. سالىمدى جاۋىپ، زەينەتاقى تولەمدەرىن شەشىپ الۋعا بولمايدى. شوتتى جاپقان كەزدە اقشا ب ج ز ق- عا قايتارىلادى.
2. مۇنداي دەپوزيتتەردى تۋىستارىڭىزعا تابىستاعان كەزدە، دەپوزيتتەگى ب ز ت قاراجاتى ب ج ز ق- عا قايتارىلادى.
3. دەپوزيتتى بولگەن كەزدە تەك ءوز جيناقتارىڭىزدى جانە بانك سىياقىسىن الۋعا بولادى، ەگەر دەپوزيتتىڭ مەرزىمى 3 جىل جانە ودان كوپ بولسا وندا مەملەكەت سىيلىقاقىسىن دا قوسا الاسىز، ءبىراق ب ز ت قاراجاتى ب ج ز ق- عا قايتارىلاتىن بولادى.
4. ءبىر ادامنىڭ اتىندا بىرنەشە دەپوزيت بولسا جانە ولاردىڭ ءبىرىنىڭ قۇرامىندا ب ز ت قاراجاتى قوسىلعان دەپوزيت بولسا دەپوزيتتەردى قوسۋعا بولادى. نەمەسە ەكى ادامنىڭ دەپوزيتتەرى، ال ب ز ت قاراجاتى دەپوزيتتى قابىلداۋشى تاراپتىڭ اتىندا بولعان جاعدايدا قوسۋعا رۇقسات بەرىلەدى.
5. ينتەرنەت- بانكينگتە ءبىرجولعى زەينەتاقى تولەمدەرىمەن تولىقتىرىلعان دەپوزيتتەردى ساتۋعا تىيىم سالىنادى. ولاردى ءۇشىنشى تۇلعانىڭ كەپىلگەر دەپوزيتى رەتىندە دە پايدالانۋعا بولمايدى.
6. ءبىر جولعى زەينەتاقى تولەمدەرىمەن تولىقتىرىلعان «وتباسى بانكتەگى» سالىمدار ءۇشىنشى تۇلعالاردىڭ تالاپتارىنان قورعالاتىن بولادى.
