14:12, 14 - جەلتوقسان 2021 | GMT +5
قىرعىزستاننىڭ ەكس- پرەزيدەنتى اقايەۆ بىشكەككە ورالدى
نۇر-سۇلتان. قازاقپارات - قىرعىزستاننىڭ ەكس-پرەزيدەنتى اسقار اقايەۆ بىشكەككە كەلدى، - دەپ حابارلايدى 24.kg سايتى.
باسىلىم دەرەككوزدەرىنە سايكەس، ماسكەۋدەن كەلگەن بورت ماناس اۋەجايىنا 14-جەلتوقساندا تاڭەرتەڭ 4.40-تا قونعان. اسقار اقايەۆ تۋعان جەرىنە ۇلى ىلىممەن بىرگە ۇشىپ كەلگەن.
«بۇرىنعى پرەزيدەنت «قۇمتور» ءىسى بويىنشا جاۋاپ الۋعا شاقىرىلا ما، ءالى بەلگىسىز»، - دەلىنگەن حابارلامادا.
قۇمتور - قىرعىزستاننىڭ ىستىقكول وبلىسىندا بىشكەكتەن 350 شاقىرىم جەردە ورنالاسقان ورتا ازياداعى ەڭ ءىرى بيىك تاۋلى التىن كەن ورنى. تيان-شان تاۋ جۇيەسىندە، تەڭىز دەڭگەيىنەن 4000 مەتر بيىكتە ورنالاسقان قۇمتور - الەمدەگى ەكىنشى بيىك تاۋلى التىن كەن كاسىپورنى.
