شياڭگاڭ اكىمشىلىگى باسشىسىنا قوقان-لوقى كورسەتىلەتىنى جازىلعان حات جولدانعان
بۇل تۋرالى گونكونگ ۇكىمەتى سايتىنداعى مالىمدەمەدە ايتىلعان، - دەپ حابارلايدى Tengrinews.kz ءتىلشىسى ريا نوۆوستيگە سىلتەمە جاساپ.
كونۆەرت 13-جەلتوقساندا كىرىس پوشتاسىن جوسپارلى تەكسەرۋ كەزىندە تابىلعان، سودان كەيىن وسى جاعداي تۋرالى پوليتسياعا ارىز بەرگەن.
«گونكونگ اكىمشىلىگى باسشىسى كەڭسەسىنىڭ رەسمي وكىلى بۇل ارەكەتتى ايىپتادى. گونكونگ - زاڭعا باعىناتىن قوعام جانە زورلىق- زومبىلىق پەن قورقىتۋ سياقتى زاڭسىز ارەكەتتەرگە جول بەرمەيدى»، - دەلىنگەن حابارلامادا.
ەگەر لاۋازىمدى تۇلعانىڭ، مەيلى ول اكىمشىلىك باسشىسى بولسىن، مەملەكەتتىك قىزمەتىن ورىنداۋىنا ىقپال ەتۋ ءۇشىن زاڭعا قارسى قۇرالدار قولدانىلسا، گونكونگ ۇكىمەتى بۇل ىسكە بارىنشا بايىپتى قارايدى ءارى مەملەكەتتىك قىزمەتشىلەردىڭ قاۋىپسىزدىگى مەن قوعامدىق تارتىپكە كەپىلدىك بەرۋ ءۇشىن كىنالىلەردى جاۋاپكەرشىلىككە تارتۋدا بار كۇش- جىگەرىن پايدالاناتىنى ايتىلدى.
قوقان-لوقى جاسالاتىنى جازىلعان حات ۇكىمەت ۇيىنە 19-جەلتوقساندا وتەتىن ارنايى اكىمشىلىك ايماقتىڭ زاڭ شىعارۋشى اسسامبلەياسىنا سايلاۋ قارساڭىندا تۇسكەن.
