زەينەتاقى جيناقتارىن پايدالانۋ مەرزىمى وزگەردى
بۇل تۋرالى قازاقپارات «وتباسى بانكىسىنە» سىلتەمە جاساپ حابارلايدى.
«ەندى بزت قاراجاتىن پايدالانۋعا 20 جۇمىس كۇنى بەرىلەدى. ياعني، بزت ارنايى شوتقا تۇسكەننەن كەيىن، قاراجاتى 20 جۇمىس كۇنى ىشىندە ماقساتى بويىنشا پايدالانۋ مۇمكىندىگى بولادى»، - دەلىنگەن حابارلامادا.
نازار اۋدارىڭىز! 20 جۇمىس كۇنىن ەسەپتەۋ ونلاين- پلاتفورمادا ءوتىنىم جىبەرگەن ساتتەن ەمەس، ب ز ت قاراجاتى ءسىزدىڭ ارنايى شوتىڭىزعا تۇسكەن ساتتەن باستاپ ەسەپتەلەدى. ارنايى شوت اشۋ ءۇشىن بانككە كەلۋدىڭ قاجەتى جوق.
ەسكە سالايىق، 2022 -جىلدىڭ 1-قاڭتارىنان ءبىرجولعى زەينەتاقى تولەمىن الۋدىڭ جەتكىلىكتىلىك شەگى 1,8 ەسە كوتەرىلەتىنى ءمالىم ەتىلگەن بولاتىن. قر ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز حاتشىسى الەكساندر كونونەتس اتالعان شەكتى مولشەر نەلىكتەن ارتتىرىلاتىنىن ءتۇسىندىردى. كەيىن زەينەتاقى جيناعىن پايدالانۋعا قاتىستى enpf-otbasy.كz پلاتفورماسىنا ءۇش كۇن ىشىندە وتىنىشتەردىڭ رەكوردتىق سانى جولدانعانى ايتىلدى.
ق ر يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتى زەينەتاقى جيناعىن «وتباسى بانك» دەپوزيتىنە اۋدارۋ مۇمكىندىگىن ءتۇسىندىردى.
بۇگىن سەناتور نۇرلان قىلىشبايەۆ پرەمەر- مينيستر اسقار ءماميننىڭ اتىنا جولداعان دەپۋتاتتىق ساۋالىندا زەينەتاقى جيناعىن پايدالانۋعا قاتىستى جەتكىلىكتىلىك شەگىن ارتتىرۋ ماسەلەسىن كوتەردى. دەپۋتات مەملەكەت باسشىسى زەينەتاقى ەسەپ- شوتىنان ارتىق جيناقتى الۋعا مۇمكىندىك بەرىلەتىن ازاماتتار ساناتىن بىرتىندەپ ۇلعايتۋدى تاپسىرعانىن ەسكە سالدى.
سەناتور قازىرگى تاڭدا جەتكىلىكتىلىك سومالارىن كوتەرۋ تاقىرىبى قوعامدا قىزۋ تالقىلانىپ جاتقانىن اتاپ ءوتتى.
كەيىن ق ر پرەزيدەنتى شەكتى مەجەنى 2022 -جىلدىڭ 1-ساۋىرىنە دەيىن كوتەرمەۋدى تاپسىردى. سونداي-اق زەينەتاقى جيناعىن بانكتەگى دەپوزيتكە اۋدارعان سوڭ ءۇش جىل ىشىندە تۇرعىن ءۇي زاەمىن رەسىمدەۋ قاجەت.
