وقۋلىقتاردىڭ سالماعىنا قاتىستى گيگيەنالىق تالاپتار بەكىتىلدى

نۇر-سۇلتان. قازاقپارات - ق ر دەنساۋلىق ساقتاۋ ءمينيسترىنىڭ 2021 -جىلعى 2-جەلتوقسانداعى بۇيرىعى بويىنشا وقۋ باسىلىمدارىنا قويىلاتىن گيگيەنالىق نورماتيۆتەر بەكىتىلدى، دەپ حابارلايدى قازاقپارات ءتىلشىسى.

قۇجاتتا وقۋشى ارقالايتىن ءبىر وقۋلىقتىڭ سالماعىنا قاتىستى ناقتى نورما كورسەتىلگەن.

ول بويىنشا: 1-4-سىنىپ وقۋلىقتارى 300 گرامنان؛ 5-6-سىنىپتار ءۇشىن 400 گرامنان؛ 7-9 -سىنىپتار ءۇشىن 500 گرامنان؛ 10-11(12)-سىنىپتار ءۇشىن 600 گرامنان اسپاۋى كەرەك.

بۇيرىقتا وقۋلىق سالماعىن اتالعان نورمادان %10 ارتتىرۋعا عانا جول بەرىلەتىنى ايتىلعان. وقۋلىق سالماعىنان بولەك كىتاپ باسىلاتىن قاعازعا، باسپا ساپاسىنا، پايدالانىلاتىن قارىپتەرگە (شريفت - رەد) قويىلاتىن تالاپتار ناقتى كورسەتىلگەن. قۇجاتتىڭ تولىق ءماتىنىن مىنا جەردەن كورۋگە بولادى. بۇيرىق 2021 -جىلدىڭ 24-جەلتوقسانىنان باستاپ قولدانىسقا ەنەدى.

اۆتور: ەسىمجان ناقتىباي