س ق و اكىمىنىڭ جاڭا ورىنباسارى تاعايىندالدى

پەتروپاۆل. قازاقپارات - سولتۇستىك قازاقستان وبلىسى اكىمىنىڭ ورىنباسارى بولىپ تيمۋر سۇلتانعازيەۆ تاعايىندالدى، دەپ حابارلايدى قازاقپارات ءتىلشىسى.

پرەزيدەنت اكىمشىلىگىنىڭ كەلىسىمىمەن جانە س ق و اكىمى قۇمار اقساقالوۆتىڭ وكىمىمەن بۇگىننەن باستاپ تيمۋر سۇلتانعازيەۆ وبلىس اكىمىنىڭ ورىنباسارى قىزمەتىنە كىرىستى.

جاڭا ورىنباسار ەكونوميكا، جۇمىسپەن قامتۋدى ۇيلەستىرۋ مەن مەملەكەتتىك باعدارلامالار، دەنساۋلىق ساقتاۋ، ەڭبەك ينسپەكسياسى، دەنە شىنىقتىرۋ مەن سپورت سالاسىنا جەتەكشىلىك ەتەتىن بولادى. تيمۋر سۇلتانعازيەۆ 1982 -جىلى الماتى وبلىسىندا دۇنيەگە كەلگەن.

قازاق ۇلتتىق مەديتسينا ۋنيۆەرسيتەتىن حيرۋرگ- دارىگەر ماماندىعى بويىنشا بىتىرگەن. سونداي-اق ا ق ش-تا تيۋلەين ۋنيۆەرسيتەتىندە (Tulane University) دەنساۋلىق ساقتاۋ جۇيەسىنىڭ مەنەدجەرى ماماندىعىن الىپ شىقتى.

ەڭبەك جولىن 2006 -جىلى استاناداعى №1-قالىپتى اناتوميا كافەدراسىنىڭ زەرتحاناشىسى بولىپ باستاعان. 2010-2013 -جىلدارى استانا قالاسىندا «ۇلتتىق مەديتسينالىق حولدينگ» ا ق-دا ءتۇرلى قىزمەتتەر اتقاردى. 2013-2014 -جىلدارى مەديتسينالىق تەحنولوگيالار جانە اقپاراتتىق جۇيەلەر ورتالىعىنىڭ پرەزيدەنتى بولدى. 2014-2016 -جىلدارى «Medicare» ج ش س باس ديرەكتورىنىڭ ورىنباسارى بولدى.

2016 -جىلى ق ر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ رەسپۋبليكالىق دەنساۋلىق ساقتاۋ ورتالىعى باس ديرەكتورىنىڭ ورىنباسارى قىزمەتىن اتقاردى. 2016 -جىلدان 2018 -جىلعا دەيىن ق ر دەنساۋلىق ساقتاۋ مينيسترلىگىندە جوبالاردى باسقارۋ دەپارتامەنتىنىڭ ديرەكتورى بولىپ جۇمىس ىستەدى. 2018-2020 -جىلدارى س ق و دەنساۋلىق ساقتاۋ باسقارماسىن باسقاردى. 2020 -جىلى ق ر دەنساۋلىق ساقتاۋ مينيسترلىگىنىڭ تاۋارلار مەن قىزمەتتەردىڭ ساپاسى مەن قاۋىپسىزدىگى كوميتەتىنىڭ ءتوراعاسى لاۋازىمىندا بولدى.

اۆتور: اقەركە داۋرەنبەك قىزى