11:39, 14 - جەلتوقسان 2021 | GMT +5
تۇركىستان وبلىسىندا «تەرەزەدەگى تۋ» اكسياسى ءوتتى - فوتو
سارىاعاش. قازاقپارات - ەل تاۋەلسىزدىگىنىڭ 30 جىلدىعى اياسىندا سارىاعاش اۋدانىندا «تەرەزەدەگى تۋ» اكسياسى ءوتتى، دەپ حابارلايدى قازاقپارات ءتىلشىسى.
جاستاردىڭ پاتريوتتىق سەزىمىن ارتتىرۋ، مەملەكەتتىك رامىزدەردىڭ قۇندىلىعىن دارىپتەۋ ماقساتىندا وتكەن ءىس- شارا بارىسىندا اۋدانداعى كوپ قاباتتى ۇيلەردىڭ تەرەزەلەرىنە مەملەكەتتىك تۋ ءىلىندى. سونداي-اق، «مەنىڭ تۋىم - مەنىڭ قازاقستانىم» مەرەكەلىك ءىس-شاراسى ۇيىمداستىرىلدى. وندا زيالى قاۋىم وكىلدەرى مەن اقساقالدار اۋدان تۇرعىندارىن مەملەكەتتىك رامىزدەردى قۇرمەتتەۋگە شاقىرىپ، ونى ءارقاشان بيىك ۇستاۋ مىندەت ەكەنىندىگىن اتاپ ءوتتى. اكسيا اياسىندا اۋەلەگەن ءان شىرقالىپ، ستۋدەنت جاستار دايىنداعان پاتريوتتىق فلەشموب كورسەتىلدى.
اۆتور: قايرات زاينيشەۆ
