ۆاكسينالاۋ جانە رەۆاكسينالاۋ قارقىنىن كۇشەيتۋ قاجەت - اسقار مامين

نۇر- سۇلتان. قازاقپارات – ق ر ۇكىمەت باسشىسى اسقار مامين ۆاكسينالاۋ جانە ريەۆاكسينالاۋ قارقىنىن كۇشەيتۋ قاجەتتىگىن ايتتى، دەپ حابارلايدى قازاقپارات ءتىلشىسى.

«جالپى ەپيدەميولوگيالىق جاعداي تۇراقتى دەپ ايتۋعا بولادى. كۇن سايىن تىركەلەتىن كورونوۆيرۋسپەن اۋىرعاندار سانى كوبەيىپ جاتقان جوق. ينفەكسيالىق اۋرۋحانالارداعى توسەك- ورىندار 23 پايىزعا، رەانيماتسيالىق ورىندار 20 پايىزعا تولىق»، - دەپ اتاپ ءوتتى پرەمەر- مينيستر بۇگىن ۇكىمەت وتىرىسىندا.

ونىڭ دەرەگىنشە، «سارى» ايماقتا - 6 ءوڭىر، «جاسىل» ايماقتا 11 ءوڭىر بار.

«قازىرگى ۋاقىتتا 8,8 ميلليوننان استام ادام 1-كومپونەنتتى (كوروناۆيرۋس ۆاكسيناسىنىڭ - رەد.) سالدىردى. بۇل 18 جاستان اسقان ادامداردىڭ 78 پايىزىنا جۋىق. 8,3 ميلليوننان استام ادام 2-كومپونەنت سالدىردى. بۇل شامامەن - 73 پايىز. بەتپەردە رەجيمىن، الەۋمەتتىك اراقاشىقتىقتى ساقتاۋدى جالعاستىرىپ، ۆاكسينالاۋ جانە ريەۆاكتسينالاۋ قارقىنىن كۇشەيتۋ قاجەت»، - دەگەن اسقار مامين جالپى باقىلاۋدى ورىنباسارى ەرالى توعجانوۆقا جۇكتەدى.