قازاقستان كوروناداعدارىستى قالاي ەڭسەرىپ جاتىر - سۋما چاكرابارتيدىڭ جاۋابى
«سوڭعى ەكى جىل جاھان ەكونوميكاسى ءۇشىن، سونىڭ ىشىندە ورتالىق ازيا ءوڭىرى مەن قازاقستان ءۇشىن وتە قيىن بولدى. ءبىز ەكونوميكانىڭ دامۋى 2020 –جىلى %3,5 باياۋلاعانىن بىلەمىز. كوپتەگەن جۇمىس ورىندارى جابىلىپ قالدى. ادامدار جۇمىسىنان ايرىلىپ، ونىڭ كەرى سالدارى بىردەن ءبىلىندى. دەنساۋلىق ساقتاۋ جانە ءبىلىم بەرۋ سالالارىنا تيىگىزگەن اسەرى ايتپاسا دا تۇسىنىكتى. وسىنىڭ ءبارى مەنى قاتتى الاڭداتادى. ويتكەنى بۇكىل ءبىر بۋىندى جوعالتىپ الۋىمىز مۇمكىن. سوندىقتان مۇمكىندىگىنشە قاشىقتان وقىتۋدى ازايتۋ كەرەك. تۋريزم، قوناق ءۇي بيزنەسى دە قاتتى زارداپ شەكتى. تاۋارلار مەن قىزمەتتەردى جەتكىزۋدىڭ جاھاندىق تىزبەگى جەرگىلىكتى اۋماقپەن شەكتەلدى»، - دەگەن ساراپشى حالىقارالىق ۆاليۋتا قورى ورتالىق ازيانىڭ ەكونوميكالىق رەيتينگتەگى مۇمكىندىكتەرىن وڭ بالاعالاعانىن ەسكە سالدى.
«مىسالى، بىلتىر ءوسىم %3,3 بولدى. قازاقستاننىڭ ۇلتتىق ەكونوميكا ءمينيسترى بۇل پەسسيميستىك بولجام دەپ ەسەپتەيدى. ول تابىس %3,6 بولادى دەپ وتىر. ارينە، شاعىن جانە ورتا بيزنەستىڭ باسىنداعى قيىندىقتار سەيىلە قويعان جوق. قازىر ءبىز ولارعا قالاي كومەكتەسۋگە بولاتىنىن ويلاستىرىپ جاتىرمىز. قازىر ينۆەستيتسيا نارىعىندا وتىمدىلىك پەن تولەم قابىلەتىنىڭ داعدارىسى بولىپ جاتىر. ەۋروپا قايتا قۇرۋ جانە دامۋ بانكى، حالىقارالىق ۆاليۋتا قورى، ازيا دامۋ بانكى ورتالىق ازياداعى بەلسەندىلىگىن قالپىنا كەلتىرە باستايدى»، - سەر سۋما چاكرابارتي.
دەگەنمەن، پرەزيدەنت كەڭەسشىسىنىڭ ايتۋىنشا، پاندەميادان تۋىنداعان داعدارىستىڭ كەزەكتى تولقىنى بولۋى مۇمكىن.
«پاندەميا تاعى دا ۋشىعۋى مۇمكىن. اۋرۋدىڭ تۇرلەنىپ جاتقانىن كورىپ وتىرسىزدار. بۇل جىل سايىن ۆاكتسينالاردىڭ قۇرامىن وزگەرتىپ وتىرۋ كەرەك. مەنىڭشە، قازاقستان حالىقتى يممۋنداۋ ويىنشا اۋقىمدى جۇمىس اتقاردى. ۆاكتسيناتسيا قارقىنىن ارتتىرۋدى جالعاستىرۋ كەرەك. ەكپەنىڭ قاجەتتىگىن ءارى قاراي ناسيحاتتاي بەرگەن ءجون. مەنىڭ بىلۋىمشە، كوپ ۇزاماي QazVac-تى دۇنيەجۇزىلىك دەنساۋلىق ساقتاۋ ۇيىمى تىركەۋگە الادى. بۇل سىزدەردەگى ۇلتتىق عىلىمنىڭ الەۋەتىن كورسەتەتىن فاكتور»، - دەدى سەر سۋما چاكابارتي.
