ەلىمىزدە قوعامدىق ورىندارداعى قۇقىق بۇزۋشىلىق تومەندەگەن
بۇل تۋرالى ق ر ءى ءى م اكىمشىلىك پوليتسيا كوميتەتىنىڭ باسقارما باستىعى باعلانبەك ايتبايەۆ ايتتى، دەپ حابارلايدى قازاقپارات ءتىلشىسى.
«ىشكى ىستەر ورگاندارى قوعامدىق ورىندار مەن كوشەلەردە ءتيىستى قۇقىقتىق ءتارتىپتى جانە ازاماتتاردىڭ قاۋىپسىزدىگىن قامتاماسىز ەتۋ ماقساتىندا ءبىرقاتار قاجەتتى الدىن الۋ ءىس-شارالارىن ىسكە اسىرادى. وسى ماقساتتا قۇقىقتىق ءتارتىپتى ساقتاۋعا كۇندەلىكتى پوليتسيا قىزمەتكەرلەرى، سونداي- اق ۇلتتىق ۇلان اسكەري قىزمەتكەرلەرى تارتىلادى»، - دەدى ول ىشكى ىستەر مينيسترلىگىنىڭ باسپا ءسوز قىزمەتى الاڭىندا وتكەن بريفينگ بارىسىندا. باسقارما باسشىسىنىڭ اتاپ وتۋىنشە، ولار كوشەلەردى، ساياباقتاردى، الاڭداردى، اۋلالاردى جانە باسقا دا قوعامدىق ورىنداردى پاترۋلدەيدى.
«جالپى قازىرگى كۇنى ەلىمىزدە قوعامدىق ورىنداردا جاسالعان قىلمىستىق قۇقىق بۇزۋشىلىق سانىنىڭ 6 پايىزعا، ونىڭ ىشىندە كوشەلەردە 13 پايىزعا تومەندەۋى بايقالادى»، - دەدى باعلانبەك ايتبايەۆ.
