الەمدە پاندەميا قاشان اياقتالىپ، ساياحاتتاۋعا بولاتىنى ايتىلدى
مۇنداي بولجامدى ءار ەلدەگى ساراپشىلار، سونداي-اق امەريكالىق تانىمال JP Morgan ينۆەستيتسيالىق بانكى جاريالادى، - دەپ حابارلايدى Tourprom.
JP Morgan ەسەبىندە 2022 -جىلى «كوروناۆيرۋس پاندەمياسى اياقتالادى جانە الەمدىك ەكونوميكا تولىق قالپىنا كەلەدى» دەگەن بولجامدى جاريالادى.
«جاڭا ۆاكسينالار مەن ەمدىك قۇرالدار تۋريزمدى قالپىنا كەلتىرۋگە، جاھاندىق ۇتقىرلىقتىڭ ورالۋىنا جانە تۇتىنۋشىلاردىڭ كەيىنگە قالدىرىلعان سۇرانىسىنىڭ بوساتىلۋىنا اكەلەدى. ءبىز 2022 -جىل الەمدى تولىعىمەن قالپىنا كەلتىرۋ، پاندەميانىڭ اياقتالۋى جانە COVID-19 باستالعانعا دەيىن بولعان قالىپتى ەكونوميكالىق جانە نارىقتىق جاعدايلارعا ورالۋ جىلى بولادى دەپ سانايمىز»، - دەلىنگەن JP Morgan ەسەبىندە.
تۇركيا ساراپشىلارى دا 2022 -جىلى تۋريزم قالپىنا كەلەدى دەپ سەنەدى. تۇركياداعى تۋريستىك اگەنتتىكتەر قاۋىمداستىعىنىڭ (TـRSAB) باسقارما ءتوراعاسى فيرۋز باگلىكايا كەلەسى ماۋسىمعا دا وپتيميستىك باعا بەردى. ونىڭ ايتۋىنشا، تۇركيا كەم دەگەندە «سوڭعى جىلدارداعى ەڭ بەلسەندى تۋريستىك ماۋسىمدى» كۇتە الادى.
«شەتەلدىك تۋريستەردىڭ نەگىزگى قوزعالىسى اقپاندا باستالادى. ءبىز 2022 -جىلدى جاقسى جىل، مۇمكىن 2019 -جىلدان كەيىنگى ەڭ جاقسى جىل دەپ كۇتەمىز. تۋريزم سالاسىندا كەلەسى ماۋسىمدا ءبىز 2019 -جىلعى كورسەتكىشتەرگە جەتۋىمىز مۇمكىن. دەرەكتەر مۇنى راستايدى»، - دەدى TـRSAB باسشىسى وپتيميستىك تۇردە.
Kaz.tengritravel.kz
