قازاقستاندىق سپورت جۇلدىزدارى ەل وردا ستۋدەنتتەرىنە دەنە شىنىقتىرۋ ساباعىن وتكىزدى

نۇر- سۇلتان. قازاقپارات - اتاقتى قازاقستاندىق سپورتشىلار ەلوردالىق كوللەدجدەردىڭ ءبىرىنىڭ ستۋدەنتتەرىمەن جاتتىعۋ وتكىزدى.

ءىس- شارا قازاقستان تاۋەلسىزدىگىنىڭ 30 جىلدىعىنا ورايلاستىرىلعان، دەپ حابارلايدى قازاقپارات اكىمدىكتىڭ رەسمي سايتىنا سىلتەمە جاساپ.

سپورتتىق كەزدەسۋدى 3№ قالالىق ەمحانانىڭ «جاس تولقىن» جاستار دەنساۋلىق ورتالىعى مەن نۇر- سۇلتان قالاسى اكىمدىگىنىڭ كاسىپتىك- تەحنيكالىق كوللەدجى بىرلەسىپ ۇيىمداستىردى. شاقىرىلعان قوناقتار اراسىندا قازاقستاندىق سپورتشىلار وداعىنىڭ ءتوراعاسى ازامات قارلىعاشيەۆ، ەركىن كۇرەستەن ق ر ەڭبەك سىڭىرگەن سپورت شەبەرى گۋزەل مانيۋروۆا، اۋىر اتلەتيكادان ق ر ەڭبەك سىڭىرگەن سپورت شەبەرى سۆەتلانا پودوبەدوۆا، كوركەم گيمناستيكادان 2011 -جىلعى ازيا چەمپيونى اننا اليابيەۆا، ەكى قول كۇرەسى بويىنشا قازاقستان چەمپيونى ايتىم جاقىپوۆ بولدى.

ونىڭ ىشىندە بەلگىلى سپورتشىلار داۋرەن ەلەۋسىنوۆ، قانات ءابۋتالىپوۆ جانە سەرگەي سىرۋلنيكوۆ بار. جاتتىعۋدان كەيىن ستۋدەنتتەر 5 كومانداعا ءبولىنىپ، «كوڭىلدى ستارتتارعا» قاتىستى. تورەشىلەر قورىتىندى شىعارىپ جاتقاندا، ەستافەتاعا قاتىسۋشىلار مەن كورەرمەندەر اراسىندا بي جارىسى ءوتتى.

«بارشاڭىزدى كەلە جاتقان مەرەكەمەن قۇتتىقتايمىن! مۇندا وزدەرىنىڭ ەڭبەكتەرىمەن جانە شەبەرلىگىمەن ۇلكەن بيىكتەرگە جەتكەن سپورتشىلار شاقىرىلدى. ولاردان ۇلگى الىڭىزدار! دەنىڭىز ساۋ جانە باقىتتى بولىڭىزدار!» ، - دەدى 3№ قالالىق ەمحانانىڭ ديرەكتورى ساۋلە نۇراشيەۆا.