ا ق ش- تىڭ ورتالىق شتاتتارىندا جويقىن تورنادو ءجۇرىپ ءوتتى
يللينويستە وپىرىلعان قويمادا ونداعان ادام قالدى، ال اركانزاستاعى قارتتار ۇيىندە ءۇيىندى استىندا ەكى ادام قازا بولىپ، 20 ادام زارداپ شەكتى. بۇل تۋرالى قازاقپارات Euronews اقپارات اگەنتتىگىنە سىلتەمە جاساپ حابارلايدى.
ەل پرەزيدەنتى دجو بايدەن ەڭ قاتتى زارداپ شەككەن ايماقتارعا دەرەۋ شۇعىل كومەك جىبەرۋدى بۇيىردى، دەپ حابارلادى اق ۇيدە وتكەن بريفينگتە.
تۆيتتەردە پرەزيدەنت «تابيعي اپات سوققىسىنان جاقىندارىنان ايىرىلۋ - ەڭ ۇلكەن قاسىرەت» ەكەنىن مالىمدەدى.
«بۇل - شتاتىمىزدىڭ تاريحىنداعى ەڭ جويقىن تورنادو. ءزىل زالانىڭ سالدارىنان گرەيس ايماعىندا، باسقا جەرلەردە نە بولىپ جاتقانىن كورگەندەر ونى سوزبەن ايتىپ جەتكىزە المايدى. مۇنداي قيراتۋدى ەشقاشان كورگەن ەمەسپىن. ونەركاسىپ عيماراتتارى قۇلاعان، شاتىرلار ۇشتى، اعاشتار تامىرىمەن جۇلىنعان، جۇك كولىكتەرى اۋادا ۇشىپ، جەرگە قۇلاعان» ، - دەپ مالىمدەدى كەنتۋككي شتاتىنىڭ گۋبەرناتورى ەندي بەشير.
بەشير تورنادو سالدارىنان زارداپ شەككەندەر سانى كۇن سوڭىندا 100 ادامعا جەتە الاتىنىن جوققا شىعارمايدى. شتاتتا توتەنشە جاعداي رەجيمى ەنگىزىلگەن، ونىڭ سالدارىن جويۋ ماقساتىندا ۇلتتىق گۆرديا بولىمشەلەرى جۇمىس اتقارۋدا. تورنادو سالدارىنان ەڭ قاتتى زارداپ شەككەن مەيفيلد قالاسىنىڭ تۇرعىندارى بولعان وقيعانى كوپتوننالى بومبانىڭ جارىلۋىمەن سالىستىردى. بۇكىل قالا ەلەكتر جارىعىنسىز قالعان.
