ەلوردانىڭ ىرگەسىن قالاۋشىلار استانادا باس قوستى

نۇر-سۇلتان. قازاقپارات - بۇگىن نۇر-سۇلتان قالاسىنىڭ تورىندە استانانىڭ نەگىزىن قالاعان ازاماتتاردىڭ كەزدەسۋى ءوتتى، دەپ حابارلايدى قازاقپارات ءتىلشىسى.

باس قوسۋعا قالا اكىمى التاي كولگىنوۆ، ەلىمىزگە ەڭبەگى سىڭگەن ارحيتەكتور، «اقمولاستروي» ج ش س ديرەكتورى سەرىك رۋستامبەكوۆ، كەزىندە استانا قالاسى اكىمدىگىنىڭ باسشىلىق قىزمەتتەرىندە بولعان بەلگىلى قوعام قايراتكەرى، كومپوزيتور تولەگەن مۇحامەدجانوۆ جانە فاريت عالىموۆ، ەۋرازيا تەلەارناسى باس ديرەكتورىنىڭ ورىنباسارى سۆەتلانا جالماعامبەتوۆا، ەۋرازيا مەديتسينالىق قاۋىمداستىعىنىڭ ۆيتسە-پرەزيدەنتى نادەجدا پەتۋحوۆا جانە تاعى باسقا تۇلعالار قاتىستى.

ەلورداداعى ق ر تۇڭعىش پرەزيدەنتى - ەلباسى كىتاپحاناسىندا باس قوسقان قوناقتار، كىتاپحانا ىشىندەگى مۋزەيدى ارالاپ، ونىڭ جۇمىسىمەن تانىستى.

كىتاپحانا 2013-جىلى بريتاندىق تانىمال ساۋلەتشى نورمان فوستەردىڭ جوباسى بويىنشا بوي كوتەرگەن بولاتىن.

«سىزدەردى ق ر تۇڭعىش پرەزيدەنتى-ەلباسى كىتاپحاناسىندا كورگەنىمىزگە قۋانىشتىمىز. ونىڭ ۇستىنە بۇگىن ەلوردا تاريحى ءۇشىن ايتۋلى داتا. بۇگىنگى ماقتان تۇتاتىن استانامىزدىڭ نەگىزىن سىزدەر قالادىڭىزدار. جالپى بۇل عيماراتتا ەلباسى كىتاپحاناسى مەن مۋزەي ورنالاسقان جانە ول وتكەن جىلدىڭ اياعىندا قولدانىسقا بەرىلدى. عيمارات 3 قاباتتان تۇرادى جانە 40 مىڭ شارشى مەتردى قۇرايدى. مۋلتيمەديالىق مۋزەي بىرنەشە بولىمنەن تۇرادى. ەكىنشى قاباتتا 2 مىڭ ادامعا ارنالعان ۇلكەن زال ورنالاسقان. بۇگىن تۇسكە دەيىن ول جەردە بيلىك باسشىلارىنىڭ قاتىسۋىمەن كونتسەرەنتسيا ءوتتى. زال زاماناۋي تۇردە جابدىقتالعان. ال ءۇشىنشى قاباتتا جۇمىس كەڭسەلەرى، كوۆوركينگ، بالالارعا ارنالعان ءبىلىم بەرۋ جانە شىعارماشىلىق ورتالىقتار بار»، - دەدى ق ر تۇڭعىش پرەزيدەنتى - ەلباسى كىتاپحاناسىنىڭ ديرەكتورى باقىتجان تەمىربولات.

ەسكە سالا كەتسەك، 1997-جىلى 10- جەلتوقسان كۇنى قازاقستان رەسپۋبليكاسىنىڭ استاناسى الماتى قالاسىنان اقمولا قالاسىنا كوشىرىلدى.