ق ر پرەزيدەنتى توراعالىعىمەن جوعارى ەۋرازيالىق ەكونوميكالىق كەڭەستىڭ وتىرىسى ءوتىپ جاتىر

نۇر- سۇلتان. قازاقپارات – ق ر پرەزيدەنتى قاسىم- جومارت توقايەۆتىڭ توراعالىعىمەن جوعارى ەۋرازيالىق ەكونوميكالىق كەڭەستىڭ وتىرىسى (ج ە ە ك) ءوتىپ جاتىر، دەپ حابارلايدى قازاقپارات ءتىلشىسى.

بەينەبايلانىس فورماتىندا ءوتىپ جاتقان ءىس- شاراعا كەڭەسكە مۇشە مەملەكەتتەردىڭ جانە باقىلاۋشى ەلدەر - كۋبا، مولدوۆا، وزبەكستاننىڭ باسشىلارى قاتىسۋدا. وتىرىس بارىسىندا مەملەكەتتەر باسشىلارى ەۋرازيالىق ەكونوميكالىق وداق قىزمەتىنە قاتىستى وزەكتى ماسەلەلەردى، 2021 -جىلعى ىنتىماقتاستىقتىڭ ناتيجەلەرىن، سونداي- اق الداعى ۋاقىتتا ۇيىمعا مۇشە مەملەكەتتەردىڭ ءوزارا ەكونوميكالىق ءىس- قيمىلداردى دامىتۋ جوسپارىن تالقىلاۋدا.

«وسى جىلدىڭ 9 ايىندا ءوزارا تاۋار اينالىمى 32,5 پايىزعا ارتىپ، 52 ميلليارد دوللارعا جەتىپ وتىر. بۇل كوۆيد پاندەمياسىنا دەيىنگى كەزەڭ كورسەتكىشىنەن 16,5 پايىزعا جوعارى. وداق ەلدەرى اراسىنداعى ەكسپورت كولەمى دە ارتتى. ماسەلەن، قازاقستان ەكسپورتى كولەمىنىڭ ارتۋى 39 پايىزدى قۇرادى. وداققا قاتىسۋشى باسقا ەلدەردىڭ دە ەكسپورت كولەمى تسيفرمەن سالىستىرىپ قاراعاندا ارتا تۇسكەن. بۇل ساۋدا- ەكونوميكالىق ىنتىماقتاستىقتىڭ قارقىندى دامۋىن، ونىڭ قۇرىلىمىنىڭ جاقسارۋىن جانە ءتيستى سالالالاردىڭ باسەكەگە قابىلەتتىلىگىنىڭ ارتۋىن بىلدىرەدى»، - دەدى قاسىم- جومار توقايەۆ جوعارى ەۋرازيالىق ەكونوميكالىق كەڭەستىڭ وتىرىسىندا. سونىمەن قاتار مەملەكەت باسشىسى قازاقستان جوعارى ەۋرازيالىق ەكونوميكالىق كەڭەسكە ءتوراعالىعىن اياقتايتىندىعىن اتاپ ءوتتى.

ايتا كەتەرلىگى، قازاقستاننىڭ ۇيىمعا ءتوراعالىعى وسى جيىنمەن اياقتالادى جانە ءتوراعالىق قىرعىز رەسپۋبليكاسىنا وتەتىن بولادى.