09:30, 10 - جەلتوقسان 2021 | GMT +5
ق ر پرەزيدەنتىنىڭ توراعالىعىمەن بۇگىن جوعارى ەۋرازيالىق ەكونوميكالىق كەڭەستىڭ وتىرىسى وتەدى
نۇر- سۇلتان. قازاقپارات - بۇگىن ق ر پرەزيدەنتى قاسىم- جومارت توقايەۆتىڭ توراعالىعىمەن جوعارى ەۋرازيالىق ەكونوميكالىق كەڭەستىڭ وتىرىسى (ج ە ە ك) وتەدى، دەپ حابارلايدى قازاقپارات.
بۇل تۋرالى مەملەكەت باسشىسىنىڭ باسپا ءسوز حاتشىسى بەرىك ءۋالي Facebook-تەگى پاراقشاسىندا جازدى.
«بەينەبايلانىس فورماتىندا وتەتىن ءىس- شاراعا كەڭەسكە مۇشە مەملەكەتتەردىڭ جانە باقىلاۋشى ەلدەر - كۋبا، مولدوۆا، وزبەكستاننىڭ باسشىلارى قاتىسادى دەپ جوسپارلانعان. مەملەكەتتەر باسشىلارى ەۋرازيالىق ەكونوميكالىق وداق قىزمەتىنە قاتىستى وزەكتى ماسەلەلەردى، 2021 -جىلعى ىنتىماقتاستىقتىڭ ناتيجەلەرىن، سونداي- اق الداعى ۋاقىتتا ۇيىمعا مۇشە مەملەكەتتەردىڭ ءوزارا ەكونوميكالىق ءىس- قيمىلداردى دامىتۋ جوسپارىن تالقىلايدى. قازاقستاننىڭ ۇيىمعا ءتوراعالىعى وسى جيىنمەن اياقتالادى»، دەلىنگەن حابارلامادا.
ءىس- شارا نۇر- سۇلتان قالاسىنىڭ ۋاقىتىمەن ساعات 15.00 دە «حابار-24» تەلەارناسىنان تىكەلەي ەفيردە كورسەتىلەدى.
