داۋرەن ابايەۆ: كەدەيلىك - ۇكىم دە، تاڭداۋ دا ەمەس
«ءبىز - الەۋمەتتىك مەملەكەتپىز. مۇنى پرەزيدەنت ۇنەمى ايتىپ ءجۇر. ءبىراق تاياقتىڭ ەكىنشى ۇشىندا ادىلدىك ماسەلەسى، قايىرىمدىلىق قايعيداتى ەمەس، ادىلدىك قاعيداتى تۇر. مەملەكەت پەن ازاماتتاردىڭ «ىمىرالى جاۋاپكەرشىلىگى» دەگەن پرينتسيپ ەنگىزىلىپ جاتىر. مىسالى، ۇلت ساۋلىعى ماسەلەسىندە مەملەكەت مەديتسنالىق قىزمەتتەردىڭ قولجەتىمدى ەكوجۇيەسىن دامىتۋدا. ال ازاماتتار ءوز دەنساۋلىعىنا كوبىرەك جاۋاپكەرشىلىكپەن قاراۋى كەرەك. باتىس ەلدەرىندە مەديتسينالىق ساقتاندىرۋ قۇنى سپورتپەن اينالىساتىن ادامدار ءۇشىن الدەقايدا ارزان. دونورلىق ورگاندار كەزەگىندە دە ولار باسىمدىققا يە تىزىمگە كىرەدى»، - دەدى داۋرەن ابايەۆ.
سونىمەن قاتار ول الەۋمەتتىك جارەداماقىلاردىڭ مولشەرىن كوتەرۋدىڭ ءتۇبى جاپپاي ماسىلدىققا ۇرىندىرۋى مۇمكىن ەكەنىن ەسكە سالدى.
«تاعى ءبىر ماسەلە، الەۋمەتتىك جاردەماقىنى تابىس رەتىندە قابىلداۋدى قويۋ كەرەك. بۇل ءبىر كەزەڭدە جىبەرىپ العان تابىستىڭ ورنىن باساتىن ۋاقىتشا وتەم عانا. بىزدە الەۋمەتتىك قولداۋ سالاسىن سىناۋشىلار كوپ. ولارعا سالساڭىز، تولەمدەردىڭ مولشەرىن ارتتىرۋ كەرەك. كەلىسەم. ءبىراق، ءبىر جاعىنان تولەمدەردىڭ مولشەرى كوتەرگەن بويدا ادامداردىڭ ەڭبەك ەتۋگە دەگەن قۇلشىنىسى ازايادى. جاردەماقى تابىسپەن بىرگە ءوسىپ وتىرۋى كەرەك. ءبىر جاعىنان بۇل جاعىمسىز قيسىن شىعار، ءبىراق شىندىق وسى. بىزگە كەدەيلىك تۋرالى كوزقاراستى وزگەرۋت قاجەت. كەدەيلىك - ۇكىم دە، تاڭداۋ دا ەمەس. بۇل - ومىردەگى كۇردەلى كەزەڭ. ادامعا قيىن كەزەڭدەردە تىنىس الاتىن مۇمكىندىك كەرەك. مەملەكەت وسى تۇرعىدا قولداۋ كورسەتۋگە مىندەتتى بولادى»، - دەدى پرەزيدەنت اكىمشىلىگى باسشىسىنىڭ ءبىرىنشى ورىنباسارى.
