تۇركىستان قالاسىنىڭ ساۋلەتىن دۇربىمەن تاماشالاۋعا بولادى

تۇركىستان. قازاقپارات - تۇركىستان قالاسىنداعى جاڭا مۇنارا قالا جۇرتشىلىعى مەن قوناقتارى ءۇشىن ەرەكشە ورىنعا اينالعالى تۇر.

بۇرىنعى سۋ مۇناراسى جاڭارتىلىپ، اينالاسى اباتتاندىرىلىپ، تۋريستەردى قابىلدايتىن ورىنعا اينالدى - دەپ حابارلايدى قازاقپارات ءتىلشىسى.

تۇركىستان وبلىسىنىڭ اكىمى ءومىرزاق شوكەيەۆ جاڭا دەمالىس اۋماعىندا بولىپ، وندا اتقارىلعان جۇمىستارمەن تانىستى.

مۇنارا جاڭارتىلعان سوڭ ونىڭ ەڭ توبەسىنە شىعىپ، ارنايى ءدۇربى ارقىلى تۇركىستاندى تاماشالاۋعا بولادى. شاھاردىڭ كورىكتى كەلبەتىن، اسىرەسە ياساۋي كەسەنەسىن بيىكتەن كورۋگە ارنالعان الاڭى بار. سونىمەن قاتار جان-جاعى اباتتاندىرىلىپ، ادەمى اللەياعا اينالىپ كەلەدى.

1901-جىلى سالىنعان تاريحي مۇنارا جاڭاشا كەيىپكە ەندى. وبلىس اكىمى قالاداعى ءبىرقاتار جاڭا ساياباقتاردىڭ جوبالارىمەن تانىستى. جالپى اۋماعى 25 گەكتاردان اساتىن «تولە ءبي»، «تۇران» ساياباقتارى جاڭارتىلىپ، دەمالىس ايماقتارىنىڭ قاتارى كوبەيمەك. مۇندا 20 مىڭعا جۋىق جاسىل جەلەك ەگىلەدى. سونداي-اق تۇركىستان وبلىسىنىڭ اكىمى ءومىرزاق شوكەيەۆ كەنتاۋ تاس جولىنىڭ بويىنداعى كوگالداندىرۋ بارىسىن باقىلادى. ەگىلگەن اعاشتار ارنايى قورشالعان.

ءومىرزاق شوكەيەۆ «تۇڭعىش پرەزيدەنت» ساياباعىن ارالاپ، «ازىرەت سۇلتان» مەملەكەتتىك تاريحي-مادەني قورىق-مۋزەيىنىڭ جان-جاعىن اباتتاندىرۋ، ينفراقۇرىلىمىن جەتىلدىرۋ، تۋريستىك الەۋەتىن كوتەرۋ جولىنداعى اتقارىلعان ىستەرمەن تانىستى.

بۇگىندە جوبا تولىق جۇزەگە اسۋعا جاقىن تۇر. سۋ جۇيەسى جەتىلدىرىلىپ، كەسەنەگە جاقىن تۇستان بوتانيكالىق باق ءوسىپ كەلەدى. دەكوراتيۆتى جانە جەمىستى اعاشتار وتىرعىزىلعان. شيە، الما، تۇت، قاراعاي جانە وزگە دە اعاشتار، سان ءتۇرلى گۇلدەر ەگىلگەن.