سەر سۋما چاكرابارتي قازاقستان ەكونوميكاسىن دامىتۋعا قاتىستى ۇسىنىس ايتتى

نۇر- سۇلتان. قازاقپارات - قازاقستان ينۆەستيتسيا تارتۋدا ءوزىنىڭ كۇش- جىگەرىن ەسەلەۋى كەرەك. بۇگىن ەلوردادا جاھاندىق ينۆەستيتسيالار بويىنشا جىل سايىنعى «دوڭگەلەك ۇستەل» وتىرىسىندا پرەزيدەنتتىڭ ەكونوميكالىق دامۋ جونىندەگى شتاتتان تىس كەڭەسشىسى سەر سۋما چاكرابارتي ءمالىم ەتتى، دەپ حابارلايدى قازاقپارات ءتىلشىسى.

«قازاقستان ءوزىنىڭ باسەكەگە قابىلەتتىلىگىن ارتتىرۋ بويىنشا ءىس- شارالار كەشەنىن جۇزەگە اسىرىپ كەلەدى. وسى ورايدا ينۆەستيتسيا تارتۋ باعىتىندا ەلەۋلى قادامدار جاسالدى. مەنىڭ ويىمشا، بۇل سالادا قازاقستان ءوزىنىڭ كۇش- جىگەرىن ەسەلەۋى كەرەك. بۇل تۇرعىدا شيكىزاتتىق ەمەس سەكتورعا، سىرتقى ساۋداعا بايلانىستى ينۆەستيتسيا تارتۋعا باعىتتالعان جۇمىستارعا ەرەكشە ەكپىن قويىلعان ءجون»، - دەدى سەر سۋما چاكرابارتي.

ونىڭ پايىمىنشا، «استانا» حالىقارالىق قارجى ورتالىعى ارقىلى جۇرگىزىلەتىن ءىس- شارالارعا دا ءمان بەرۋ كەرەك. ويتكەنى بۇل ورتالىق ەلەۋلى تابىسقا قول جەتكىزدى.

«سوندىقتان ينۆەستيتسيالىق جوبالاردى ءتيىمدى جۇزەگە اسىۋدى قامتاماسىز ەتۋ كەرەك»، - دەدى ول. بۇدان بۇرىن حابارلانعانداي، مەيىرجان يۋسۋپوۆ قازاقستاندا قاي سالالارعا ينۆەستيتسيا سالۋعا بولاتىنىن ايتتى.

اۆتور: رۋسلان عابباسوۆ