قاسىم- جومارت توقايەۆ جەنەۆادا قازاقستان مەن ب ۇ ۇ ىنتىماقتاستىعىنىڭ باسىم باعىتتارىن تالقىلادى

جەنەۆا. قازاقپارات - مەملەكەت باسشىسى قاسىم- جومارت توقايەۆ ب ۇ ۇ نىڭ جەنەۆاداعى بولىمشەسىنىڭ باس ديرەكتورى تاتيانا ۆالوۆايامەن كەزدەستى. بۇل تۋرالى اق وردادان ءمالىم ەتتى، دەپ حابارلايدى قازاقپارات.

كەزدەسۋ بارىسىندا قازاقستان مەن ب ۇ ۇ اراسىنداعى ىنتىماقتاستىقتىڭ باسىم باعىتتارى تالقىلاندى. پاندەمياعا قارسى كۇرەس، ايماقتىق قاۋىپسىزدىك پەن تۇراقتىلىقتى قامتاماسىز ەتۋ بويىنشا كۇش- جىگەر جۇمىلدىرۋ ماسەلەلەرىنە باسا ءمان بەرىلدى.

پرەزيدەنت قازاقستاندا پاندەمياعا قارسى كۇرەس بويىنشا قابىلدانىپ جاتقان شارالار، سونداي- اق د د س ۇ دۇنيەجۇزىلىك دەنساۋلىق ساقتاۋ اسسامبلەياسىنىڭ ارناۋلى سەسسياسىندا كوروناۆيرۋستىڭ جاڭا شتاممدارىنا بىرلەسىپ قارسى تۇرۋ ءۇشىن باسقا ەلدەرگە ۇندەۋ تاستاعانىن ايتتى.

قاسىم- جومارت توقايەۆ قازىرگى جاعدايدا بىرىككەن ۇلتتار ۇيىمى مۋلتيلاتەراليزم جۇيەسىنىڭ نەگىزى بولىپ قالا بەرەتىنىن اتاپ ءوتتى. قازاقستان تاۋەلسىزدىكتىڭ العاشقى كۇندەرىنەن باستاپ دۇنيەجۇزىلىك ۇيىمنىڭ قاعيداتتارىنا، ماقساتتارى مەن مىندەتتەرىنە بەيىلدى بولدى جانە سولاي بولا بەرەدى.

مەملەكەت باسشىسى قازاقستاننىڭ يادرولىق قارۋسىزدانۋعا جانە جاپپاي قىرىپ- جويۋ قارۋىن تاراتپاۋ رەجيمىن نىعايتۋعا ەلەۋلى ۇلەس قوساتىنىن جانە وسى جۇمىستاردى جالعاستىرا بەرەتىنىن جەتكىزدى.

كەزدەسۋدە ورتالىق ازياداعى احۋال، اۋعانستانعا كومەك كورسەتۋ جونىندەگى ب ۇ ۇ ميسسياسىن (UNAMA) الماتىدا ورنالاستىرۋ ماسەلەسى، ورنىقتى دامۋ ماقساتتارى بويىنشا ب ۇ ۇ نىڭ وڭىرلىك ورتالىعىن ءوز اۋماعىندا قۇرۋ جونىندەگى قازاقستاننىڭ باستاماسى تالقىلاندى.

اڭگىمەلەسۋ بارىسىندا قازاقستاندا جۇرگىزىلىپ جاتقان ساياسي رەفورمالار، ادام قۇقىقتارى مەن بوستاندىعى، گەندەرلىك ماسەلەلەر ءسوز بولدى.

تاتيانا ۆالوۆايا مەملەكەت باسشىسىن قازاقستان تاۋەلسىزدىگىنىڭ 30 جىلدىعىمەن قۇتتىقتاپ، ەلىمىزدىڭ وسى ۋاقىت ارالىعىندا ەلەۋلى جەتىستىكتەرگە قول جەتكىزگەنىن اتاپ ءوتتى. ول قاسىم- جومارت توقايەۆقا 2011-2013 -جىلدارى ءوزى باسقارعان ب ۇ ۇ نىڭ جەنيەۆا بولىمشەسىندەگى ۇجىمىنىڭ ىستىق سالەمىن جانە ىزگى تىلەكتەرىن جەتكىزدى.

ەسكە سالايىق، 28 -قاراشادا قازاقستان پرەزيدەنتى ق. توقايەۆ رەسمي ساپارمەن شۆەيتساريا كونفەدەراتسياسىنا كەلدى. بۇگىن جەنەۆادا قاسىم- جومارت توقايەۆ شۆەيتساريانىڭ فەدەرالدىق پرەزيدەنتى گي پارمەلانمەن كەلىسسوز جۇرگىزەدى، دۇنيەجۇزىلىك دەنساۋلىق ساقتاۋ ۇيىمىنىڭ باسشىسىمەن كەزدەستى، د د س ۇ نىڭ دۇنيەجۇزىلىك دەنساۋلىق ساقتاۋ اسسامبلەياسىنىڭ ارناۋلى سەسسياسىنا قاتىستى، سونداي- اق ينۆەستيتسيالىق دوڭگەلەك ۇستەل وتىرىسىنا قاتىستى.