مۇناي سالاسىنداعى قوندىرعىلار ءوندىرىسىن جەرگىلىكتەندىرۋ: مينيستر جوسپارمەن ءبولىستى
«جەرگىلىكتى قامتۋدى دامىتۋ جونىندەگى كەلەسى باستاما - اعىمداعى جىلى قۇرىلعان مۇناي- گاز ماشيناسىن جاساۋدى دامىتۋدىڭ حالىقارالىق ورتالىعى بولىپ تابىلادى. ورتالىق جۇمىسىنىڭ نەگىزگى ماقساتى - ەلىمىزدەگى مۇناي- گاز سالاسى ءۇشىن تاۋارلار ءوندىرىسىن جەرگىلىكتەندىرۋ. ول ءۇشىن ورتالىق جاڭا وندىرىستەر اشىپ، سونداي- اق جۇمىس ىستەپ تۇرعان وتاندىق تاۋار وندىرۋشىلەردىڭ مۇمكىندىكتەرىن كەڭەيتەدى»، - دەدى ول. ۆەدومستۆو باسشىسىنىڭ ايتۋىنشا، اتالمىش ورتالىق سالاداعى وپەراتورلاردىڭ ۇسىنىسى بويىنشا ءۇش ءتۇرلى تاۋاردىڭ ءوندىرىسىن جەرگىلىكتەندىرۋدى قولعا العان.
ولار: - بەكىتۋ ارماتۋراسى (كلاپاندار)؛
- ەلەكتروتەحنيكالىق جابدىق؛
- باقىلاۋ- ولشەۋ اسپاپتارى جانە اۆتوماتيكا. «وتاندىق وندىرۋشىلەردىڭ قاجەتتىلىكتەرى بويىنشا تولىق دەرەكتەرگە جانە ءتيىستى مۇمكىندىكتەرگە تالداۋ جۇرگىزگەننەن كەيىن قالعان تاۋار توپتارى بويىنشا ۇسىنىستار ەنگىزىلەدى»، - دەدى مينيستر.
