قازاقستان كەلەسى جىلى ت م د- عا ءتوراعالىق ەتەدى
ۇكىمەت باسشىسى ءوز سوزىندە ت م د ەلدەرىنىڭ ۇلتتىق ەكونوميكالارىنىڭ دايەكتى تۇردە قالپىنا كەلۋىن جانە داعدارىسقا قارسىدان پاندەميادان كەيىنگى دامۋ كۇن تارتىبىنە كوشۋىن اتاپ ءوتتى. وسىلايشا، ح ۆ ق- نىڭ سوڭعى بولجامدارىنا سايكەس، ت م د- نىڭ بارلىق ەكونوميكالارى 2021-2022 -جىلدارى ءوندىرىستىڭ پاندەمياعا دەيىنگى كولەمىنە جەتەدى.
مامين دوستاستىق كەڭىستىگىندەگى سىرتقى ساۋدا كولەمىنىڭ كۇشەيىپ كەلە جاتقان قارقىنىنىڭ مىسالى رەتىندە بيىلعى جىلدىڭ قاڭتار- تامىز ايلارىندا ت م د شەڭبەرىندەگى قازاقستان تاۋار اينالىمىنىڭ $20 ميلليارد دەيىن %27 عا ءوسۋىن اتاپ ءوتتى.
پرەمەر- مينيستر ت م د ەلدەرى ەكونوميكالارىنىڭ وندىرىستىك ينتەگراتسياسىنىڭ الەۋەتىن ىسكە اسىرۋ قارقىنىن كۇشەيتۋ، سونداي- اق ورنىقتى ءوسىمدى قامتاماسىز ەتۋ ماقساتىندا دوستاستىق مەملەكەتتەرىنىڭ «جاسىل» ەكونوميكا مودەلىن ەنگىزۋ قاجەتتىگىن اتاپ ءوتتى.
ا. مامين ينفراقۇرىلىمنىڭ ساپاسى مەن قولجەتىمدىلىگىن ارتتىرۋ، بىرلەسكەن كولىك ساياساتىن جۇيەلى جانە دايەكتى جەتىلدىرۋ، رەگلامەنتتەر مەن ستاندارتتاردى ۇيلەستىرۋ، كەلىسىلگەن تاريفتىك ساياسات جۇرگىزۋ جانە ت م د ەلدەرىنىڭ ترانزيتتىك الەۋەتىن كەڭىنەن پايدالانۋ ءۇشىن ءوزارا ارتىقشىلىقتار بەرۋ ماڭىزدىلىعىنا ەرەكشە نازار اۋداردى. ت م د ەلدەرىندە بالامالى كولىك باعىتتارىنا سۇرانىستىڭ ارتقانىن بيىلعى جىلدىڭ العاشقى 9 ايىندا ق ح ر – ە و باعىتى بويىنشا ترانزيتتىك كونتەينەرلىك تاسىمالدار كولەمىنىڭ شامامەن %40 عا ءوسىپ، 600 مىڭنان استام ج ف ە جەتكەنى دالەلدەيدى.
پرەمەر- مينيستر اوك ونىمدەرىن بىرلەسىپ ءوندىرۋ جانە ونى سىرتقى نارىقتارعا شىعارۋ جۇمىسىن كۇشەيتۋدى ۇسىندى. ترانسشەكارالىق حابتار مەن كوتەرمە- تاراتۋ ورتالىقتارىنا سۇيەنە وتىرىپ، ءبىرىڭعاي تاۋار وتكىزۋ جەلىسىنىڭ الەۋەتىن ىسكە اسىرۋ اتالعان جۇمىستىڭ ماڭىزدى باعىتى بولۋى ءتيىس، بۇل ازىق- تۇلىك قاۋىپسىزدىگىن قامتاماسىز ەتۋگە جانە ت م د- نىڭ بارلىق ەلدەرىنىڭ ەكونوميكالىق بايلانىستىلىعىن ارتتىرۋعا جول اشادى.
ت م د اياسىنداعى ەكونوميكالىق ءوزارا ءىس- قيمىلدىڭ وزەكتى ماسەلەلەرى تالقىلاندى. وتىرىس قورىتىندىسى بويىنشا اقپاراتتىق- تەلەكوممۋنيكاتسيالىق جەلىلەردە اۆتورلىق قۇقىق جانە ساباقتاس قۇقىق وبەكتىلەرىنە قۇقىقتاردى ساقتاۋ جانە قورعاۋ بويىنشا ت م د- عا قاتىسۋشى مەملەكەتتەردىڭ ىنتىماقتاستىعى تۋرالى كەلىسىم قابىلداندى. ت م د- عا قاتىسۋشى مەملەكەتتەردىڭ يننوۆاتسيالىق ىنتىماقتاستىعىنىڭ 2030 -جىلعا دەيىنگى كەزەڭگە ارنالعان مەملەكەتارالىق باعدارلاماسىن ىسكە اسىرۋ جونىندەگى 2021-2025 -جىلدارعا ارنالعان كەشەندى ءىس- شارالار جوسپارى، 2022 -جىلى ت م د- دا حالىق شىعارماشىلىعى مەن مادەني مۇرا جىلىن وتكىزۋ جونىندەگى ءىس- شارالار جوسپارى، 2030 -جىلعا دەيىنگى «1520 كەڭىستىكتە» تەمىرجول كولىگىن ستراتەگيالىق دامىتۋ تۇجىرىمداماسى بەكىتىلدى.
2022 -جىلى قازاقستان ت م د- عا ءتوراعالىق ەتەدى. ۇبك- ءنىڭ كەلەسى وتىرىسىن 2022 -جىلعى مامىر ايىندا نۇر- سۇلتان قالاسىندا وتكىزۋ جوسپارلانىپ وتىر. وتىرىسقا ازەربايجان پرەمەر- ءمينيسترى ءالي يدايات وعلى اسادوۆ، بەلارۋس پرەمەر- ءمينيسترى رومان گولوۆچەنكو، قىرعىزستان پرەمەر- ءمينيسترى اقىلبەك جاپاروۆ، مولدوۆا پرەمەر- ءمينيسترى ناتاليا گاۆريليتسا، رەسەي پرەمەر- ءمينيسترى ميحايل ميشۋستين، تاجىكستان پرەمەر- ءمينيسترى كوحير راسۋلزودا، وزبەكستان پرەمەر- ءمينيسترى ابدۋللا اريپوۆ، ارمەنيا ۆيتسە- پرەمەر- ءمينيسترى مگەر گريگوريان، تۇرىكمەنستان مينيسترلەر كابينەتى ءتوراعاسىنىڭ ورىنباسارى چارىمىرات پۋرچەكوۆ قاتىستى.
