قىتايداعى يمپورتتىق تاۋارلار كورمەسىندە قازاقستاندىق ونىمدەر ۇسىنىلدى - فوتو
ەكسپوزيتسيا اياسىندا ۇن، ەت كونسەرۆىلەرى، ءسۇت ونىمدەرى، وسىمدىك مايلارى، كونديتەرلىك ونىمدەر مەن بال، سۋسىندار جانە تاعى باسقا ساناتتار بويىنشا وتاندىق تاماق ونەركاسىبى كومپانيالارىنىڭ ونىمدەرى ۇسىنىلدى. بۇعان دەيىن قىتاي حالىقارالىق يمپورت كورمەسى (CIIE) ديرەكتورىنىڭ ورىنباسارى سۋن چەنحاي «قازاقپارات» اگەنتتىگىنە بەرگەن سۇحباتىندا قازاقستاننىڭ كوپتەگەن تاۋارلارى قىتاي نارىعىندا تانىمال بولعانىن ءمالىم ەتتى.
«جىبەك جولى» بويىندا ورنالاسقان جانە «قىتاي- ەۋروپا» جۇك تەمىرجول تاسىمالدارىنىڭ ماڭىزدى كولىكتىك- لوگيستيكالىق حابى بولىپ تابىلاتىن قازاقستاننىڭ قىتاي نارىعىنا شىعۋعا مۇمكىندىكتەرى مول»، - دەپ اتاپ ءوتتى سۋن چەنحاي.
ونىڭ ايتۋىنشا، جارمەڭكەلەرگە قاتىسۋ مەن ونلاين ساتىلىمداردىڭ ارقاسىندا قىتاي نارىعىندا قازاقستاندىق ءونىمنىڭ تانىلۋى ارتقان. بۇعان دەيىن حابارلاعانىمىزداي، بۇگىن مەملەكەت باسشىسى قاسىم- جومارت توقايەۆ IV قىتاي حالىقارالىق يمپورتتىق تاۋارلار كورمەسىنىڭ اشىلۋ راسىمىندە بەينەۇندەۋ جاسادى.
اۆتور: اياۋلىم التىنبەك
