ب ۇ ۇ- نىڭ گۋمانيتارلىق كومەگى بار العاشقى ۇشاق كابۋلعا قوندى

نۇر-سۇلتان. قازاقپارات - كابۋل اۋەجايىنا گۋمانيتارلىق كومەك تيەلگەن ب ۇ ۇ-نىڭ بوسقىندار ءىسى جونىندەگى باسقارماسىنىڭ ۇشاعى قوندى، - دەپ حابارلايدى ۇيىمنىڭ سايتى.

ۇشاق كابۋلعا جەرگىلىكتى ۋاقىت بويىنشا 15.30-دا جەتىپ، قونىس اۋدارعان اۋعان ازاماتتارىن جىلىتۋعا ارنالعان 33 توننا جيىنتىقتى جەتكىزدى.

«العاشقى ۇشاق قونىس اۋدارۋشىلارعا الداعى قىس ايلارىندا ۇيلەرىن جىلىتۋعا ارنالعان 33 توننا جيىنتىق اكەلدى»، - دەلىنگەن حابارلامادا.

25 ك گ وقشاۋلاۋعا ارنالعان ءار جيىنتىقتا ەدەن، بولىمدەر جانە شاتىردىڭ سۋىقتان وقشاۋلاۋىن جاقسارتۋعا ارنالعان باسقا زاتتار بار. جيناققا پەشتى ورناتۋعا مۇمكىندىك بەرەتىن ىستىققا ءتوزىمدى قورعانىس كىرەدى. بۇل UNHCR ءۇش رەيسىنىڭ العاشقىسى بولدى، كەلەسى گۋمانيتارلىق كومەك پارتيالارى 4 جانە 7 قاراشاعا جوسپارلانعان.

«ءبىز قاجەتتىلىكتەردى قاناعاتتاندىرۋ ءۇشىن اۋعانستانعا جانە ەلدىڭ باسقا ايماقتارىنا گۋمانيتارلىق كومەك جەتكىزۋ ءۇشىن جەر، تەڭىز جانە اۋەجولدارىن قولدانامىز. سونىمەن قاتار، قاجەت بولعان جاعدايدا كومەكتى اۋعانستانعا جۇك كولىكتەرىمەن جەتكىزۋ ءۇشىن وزبەكستاننىڭ تەرمەز قالاسىندا گۋمانيتارلىق كومەك قورلارى ورنالاستىرىلدى»، - دەدى ب ۇ ۇ.