قازاقستان ازەربايجانمەن تۇراقتى اۋە قاتىناسىن قالپىنا كەلتىردى

نۇر- سۇلتان. قازاقپارات - قازاقستان مەن ازەربايجان اراسىندا تۇراقتى اۋە قاتىناسى قالپىنا كەلتىرىلدى، دەپ حابارلايدى قازاقپارات ق ر يندۋستريا جانە ينفراقۇرىلىمدىق دامۋ مينيسترلىگىنە سىلتەمە جاساپ.

قازاقستان رەسپۋبليكاسىنىڭ اۋماعىندا كوروناۆيرۋس ينفەكتسياسىنىڭ پايدا بولۋى مەن تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ 2021 -جىلعى 21-قىركۇيەكتەگى شەشىمىنە سايكەس قازاقستان مەن ازەربايجان اراسىنداعى تۇراقتى اۋە قاتىناسى قالپىنا كەلتىرىلۋدە. اتاپ ايتقاندا، 2021 -جىلعى 7-قاراشادان باستاپ «Air Astana» اۋە كومپانياسى «embraer e 190 - e 2» اۋە كەمەسىمەن الماتى- باكۋ باعىتىندا ۇشۋدى جوسپارلاپ وتىر.

رەيس اپتاسىنا 2 رەت - بەيسەنبى جانە جەكسەنبى كۇندەرى ورىندالادى. سونىمەن قاتار، «ازەربايجان حاۆا يوللارى» اۋە كومپانياسى 2021 -جىلعى 6-قاراشادان باستاپ «ا - 319» اۋە كەمەسىمەن الماتى- باكۋ باعىتىندا ۇشا باستايدى. رەيس اپتاسىنا 1 رەت - سەنبى كۇنى ورىندالادى.

«ازەربايجانمەن اراداعى اۋە رەيستەرىنىڭ سانىن ارتتىرۋ ەپيدەميولوگيالىق جاعدايعا، ۆەدومستۆوارالىق كوميسسيانىڭ شەشىمدەرىنە جانە ازەربايجاننىڭ ءتيىستى مەملەكەتتىك ورگاندارىنىڭ شەشىمدەرىنە بايلانىستى قابىلدانادى. رەيستەر سانيتارلىق- ەپيدەميولوگيالىق تالاپتاردى قاتاڭ ساقتاي وتىرىپ جانە اۋە كومپانيالارىنىڭ سايتىندا جاريالانعان كەستەگە سايكەس ورىندالادى»، - دەلىنگەن مينيسترلىك سايتىندا.