بوكستان الەم چەمپيوناتى: اسلانبەك شىمبەرگەنوۆ شيرەك فينالعا شىقتى

بەلگراد. قازاقپارات - سەربيا استاناسى بەلگراد قالاسىندا ءوتىپ جاتقان بوكستان الەم چەمپيوناتىندا قازاقستاندىق اسلانبەك شىمبەرگەنوۆ كەزەكتى جەكپە- جەگىن ءساتتى وتكىزدى، دەپ حابارلايدى قازاقپارات ءتىلشىسى.

قازاقستاندىق بوكسشى 1/8 فينالدا71 كەلى سالماقتا گەرمانيالىق ماگومەد شاحيدوۆپەن كەزدەستى. بۇل - اسلانبەكتىڭ ءۇشىنشى جەكپە- جەگى. تورەشىلەر ءبىرىنشى جانە ەكىنشى راۋندتا ءبىراۋىزدان اسلانبەكتىڭ جەڭىسىنە قولداۋ ءبىلدىردى.

ءۇشىنشى راۋندتا اسلانبەك قارسىلاسىن نوكاۋتقا جىبەردى. ناتيجەسىندە ول شيرەك فينالعا جولداما الدى. ول بۇدان بۇرىن ول يران بوكسشىسى فارحاد مورادي اتاشگاحتى، وزبەك سپورتشىسى شاحرام گياسوۆتى ورتا جولدا قالدىردى.

سونداي- اق، بۇگىن ماحمۋد سابىرحان (54 كەلى) مەن ءساماتالي تولتايەۆ (60 كەلى) قارسىلاستارىن جەڭىپ، جارىستى جالعاستىرۋعا مۇمكىندىك الدى. بۇگىن 01:45 تە ايبەك ورالباي (92 كەلى) وزبەكستاندىق ماديار سايدراحيموۆپەن شارشى الاڭعا شىعادى. ول بۇعان دەيىن پولشالىق ماتەۋش بەرەزنيسكيدى جەڭدى.