ەۋروپا دەپۋتاتتارى اۋعان ايەلدەرىنىڭ قۇقىعىن قورعاۋعا شاقىردى
جۇما كۇنى ەۋروپارلامەنتتە «اۋعان ايەلدەرى بىتىمگەرلەر مەن قوعامدىق كوشباسشىلار رەتىندە» اتتى جاريا تىڭداۋ ءوتتى. اۋعانستاننىڭ بەس ايەل سۋرەتشىسى، ايەلدەر قۇقىعىن قورعاۋشى بەلسەندى، مەكتەپ نەگىزىن قالاۋشىلار مەن كاسىپكەرلەر ءوز جوبالارى، تالىپتەر بيلىگى كەزىندەگى ايەلدەردىڭ قازىرگى جاعدايى جانە ەۋروپالىق وداقتان كۇتەتىن ءۇمىتى تۋرالى ايتتى.
ەكى ءتوراعا: ەۆەلين رەگنەر (ايەلدەر قۇقىعى جانە گەندەرلىك تەڭدىك كوميتەتى) جانە پەتراس اۋشتراۆياچيۋس (اۋعانستانمەن بايلانىس جونىندەگى دەلەگاتسيا) مىناداي مالىمدەمە جاسادى: «ءبىز اۋعانستانداعى ايەلدەر مەن قىزداردىڭ قۇقىقتارىنا قاتتى الاڭداپ وتىرمىز. بۇل، اتاپ ايتقاندا، ءبىلىم جانە كاسىبي قىزمەت سالاسىنا قاتىستى. اۋعان ايەلدەرى مەن قىزدارىن ەۋرووداقتىڭ تاليبان بيلىگىمەن (قازاقستاندا تىيىم سالىنعان - رەد. ) بايلانىس ورتالىعىنا جانە پارلامەنتتىڭ باسىمدىقتارى قاتارىنا قويۋ كەرەك ەكەنىنە سەنىمدىمىز».
ءبىز ە و- عا گۋمانيتارلىق كومەكتەن باسقا، تالىپتەرمەن كەز كەلگەن جەدەل ارەكەتتەسۋ شارتتارى تۋرالى ەسكە سالامىز. وسى مالىمدەمەدە، ەگەر جاعداي مۇمكىندىك بەرسە، ادام قۇقىقتارىنىڭ ساقتالۋىن باقىلاۋ تەتىگىن جانە فاكتىلەردى انىقتاۋ ميسسياسىن قۇرۋدى ۇسىنامىز. ەۋرووداققا مۇشە مەملەكەتتەردى بوسقىندارعا كوبىرەك ۆيزا بەرۋگە جانە اۋعانستاننان شىعۋ كەزىندە قاۋىپ تونگەن ايەلدەرگە كومەك كورسەتۋگە شاقىرامىز.
سونداي-اق، ە و مەن مۇشە مەملەكەتتەرگە اۋعانستان مەن كورشىلەس ەلدەرگە گۋمانيتارلىق كومەك كورسەتۋگە تاعى دا جەدەل ۇندەۋ تاستايمىز. اتاپ ايتقاندا، بالالار، جاستار مەن ايەلدەر ءبىلىم الۋعا جانە مەديتسينالىق قىزمەتكە قول جەتكىزە الۋى ءتيىس.
ايەل مۇعالىمدەردىڭ جەتىسپەۋشىلىگىنەن قىزدارعا ارنالعان مەكتەپتەردىڭ جابىلۋى بۇل قولايسىز سىلتاۋ بولىپ وتىر.
سونىمەن قاتار، ءبىز اۋعان ايەلدەرىنىڭ ە و-عا ولاردىڭ بولاشاعى قايدا جانە قاشان شەشىلەتىنى تۋرالى تەڭ قۇقىلى كەلىسسوزدەرگە قاتىسۋعا كومەكتەسۋ تۋرالى ءوتىنىشىن قولدايمىز. اۋعانستاننىڭ بولاشاعىن قالىپتاستىرۋدا قوعامنىڭ بارلىق سالالارى، سونىڭ ىشىندە اۋعان ايەلدەرى دە قامتىلۋى ءتيىس».
اۆتور: اياۋلىم التىنبەك
