ەلىمىزدە كوروناۆيرۋستان كوز جۇمعان ناۋقاستار سانى كۇرت ازايدى

نۇر-سۇلتان. قازاقپارات – ق ر دەنساۋلىق ساقتاۋ مينيسترلىگى سوڭعى تاۋلىكتە كوروناۆيرۋستان كوز جۇمعاندار ستاتيستيكاسىن جاريالادى.

وعان سايكەس، 29-قازان كۇنى قازاقستان اۋماعىندا 17 ادام - كوروناۆيرۋستان، تاعى 2 سىرقات - پنيەۆمونيادان قايتقان. كوروناۆيرۋستان اجال قۇشقانداردىڭ ىشىندە ەڭ كوبى الماتى قالاسى مەن سولتۇستىك قازاقستان وبلىسىندا - 3 ناۋقاستان.

اقمولا، باتىس قازاقستان جانە پاۆلودار وبلىستارىندا - 2، نۇر-سۇلتان قالاسى مەن قوستاناي، قىزىلوردا، الماتى، شىعىس قازاقستان وبلىستارىندا - ءبىر ادامنان كوز جۇمعان.

تەك شىمكەنت قالاسى مەن اتىراۋ، جامبىل، قاراعاندى، تۇركىستان، ماڭعىستاۋ جانە اقتوبە وبلىستارىندا عانا كوروناۆيرۋستان ءولىم-ءجىتىم بولعان جوق.