ق ر پرەمەر-ءمينيسترىنىڭ ورىنباسارى عىلىمدى دامىتۋ بويىنشا كەڭەس وتكىزدى
ۆيتسە-پرەمەر عىلىم سالاسىنىڭ قازىرگى جاعدايىن سىنعا الدى، عىلىمي زەرتتەۋلەر ناتيجەلىلىگىنىڭ تومەندىگىن، ولاردىڭ ەكونوميكانىڭ دامۋىنا اسەرىنىڭ السىزدىگىن، عىلىمنىڭ وندىرىسپەن ءتيىستى ءوزارا بايلانىسىنىڭ بولماۋىن، تاجىريبەلىك-كونسترۋكتورلىق جۇمىستار ۇلەسىنىڭ تومەندىگىن اتاپ ءوتتى.
ە. توعجانوۆ عىلىمدى قارجىلاندىرۋ جۇيەسىنىڭ، ۇلتتىق عىلىمي كەڭەستەر قىزمەتىنىڭ، عىلىمي-تەحنيكالىق ساراپتاما جۇرگىزۋ كەزىندە ساراپشىلاردى ىرىكتەۋ پروتسەسىنىڭ كەمشىلىكتەرىن دە اتاپ كورسەتتى.
ۆيتسە-پرەمەر عىلىمي زەرتتەۋلەردىڭ ناتيجەلىلىگىن ارتتىرۋدىڭ، ولاردىڭ ءوندىرىستىڭ عىلىمدى قاجەتسىنۋىنە جانە ەكونوميكا سالالارىن دامىتۋعا اسەرىن كۇشەيتۋدىڭ، عىلىمدى دامىتۋ باسىمدىقتارىن دۇرىس ايقىنداۋدىڭ ماڭىزدىلىعىن ايتتى.
پرەمەر-ءمينيستردىڭ ورىنباسارى عىلىمي كادرلىق الەۋەتتى نىعايتۋ، ونىڭ ىشىندە شەتەلدە جۇمىس ىستەيتىن قازاقستاندىق عالىمداردى تارتۋ ارقىلى ناقتى شارالار ازىرلەۋ قاجەتتىگىن جەتكىزدى.
مەملەكەت باسشىسىنىڭ قازاقستان حالقىنا جولداۋىندا ايتىلعان عىلىمي سالانى قارجىلاندىرۋ ۇدەرىستەرىن جاقسارتۋ جانە عىلىمنىڭ ەلدىڭ دامۋىنا قوسقان ۇلەسى جونىندەگى تاپسىرمالاردىڭ ورىندالۋىنا ەرەكشە نازار اۋدارۋ قاجەت.
ە. توعجانوۆ ەلىمىزدىڭ عىلىمي الەۋەتىن دامىتۋ بويىنشا جۇمىس توبىن قۇرۋدى، ناقتى ءىس-شارالار جوسپارىن ازىرلەۋدى، ۇكىمەتكە عىلىمدى دامىتۋ جونىندەگى تۇجىرىمداما جوباسىن ەنگىزۋدى، سونداي-اق عىلىم ماسەلەلەرى بويىنشا زاڭنامالىق اكتىلەرگە تۇزەتۋلەر ەنگىزۋ بويىنشا جۇمىستى جەدەلدەتۋدى تاپسىردى.
عىلىمي ينستيتۋتتاردىڭ، عالىمداردىڭ ۇسىنىستارىن تىڭداعان پرەمەر-ءمينيستردىڭ ورىنباسارى كادر ماسەلەلەرىن شەشۋگە، جاس عالىمداردى قولداۋعا، عىلىمي جوبالارعا بيزنەس قاراجاتىن تارتۋعا، ەكونوميكا مەن الەۋمەتتىك سالانىڭ ناقتى مىندەتتەرىن شەشۋ ءۇشىن كەشەندى زەرتتەۋلەر جۇرگىزۋگە ەرەكشە نازار اۋدارۋ قاجەتتىگىن اتاپ ءوتتى.
