«قازاق ستيلى - الەمنىڭ ەڭ ۇزدىگى». ءالىمحان ۇلى مالىمدەمە جاسادى

الماتى. قازاقپارات - ورتا سالماقتاعى قازاقستاندىق بوكسشى جانىبەك ءالىمحان ۇلى (10-0، 6 KO) بۇرىنعى الەم چەمپيونى فرانسيالىق حاسسان ندام نجيكاممەن (38-5، 21 ك و) جەكپە- جەككە قاتىستى مالىمدەمە جاسادى، - دەپ حابارلايدى Vesti.kz.

بۇل جەكپە-جەك Top Rank پروموۋتەرلىك كومپانياسى 5-قاراشادا لاس- ۆەگاستا ۇيىمداستىراتىن بوكس كەشىندە وتەدى.

«مەن وزگەلەردەن ەرەكپىن جانە مۇنى ءبارى بىلەدى. مەنىڭ ستيلىم باسقا. قازاق ستيلى - الەمنىڭ ەڭ ۇزدىگى. 5-قاراشادا مۇنى كورسەتەمىن»، - دەپ جازدى جانىبەك Twitter- دە.

ءالىمحان ۇلى ءۇشىن بۇل بيىلعى ەكىنشى جەكپە-جەك بولادى. ماۋسىمدا ول لاس- ۆەگاستا الەمنىڭ بۇرىنعى چەمپيونى امەريكالىق روب برانتتى مەرزىمىنەن بۇرىن جەڭگەن ەدى.