كوروناۆيرۋستىڭ دەلتا شتامىنىڭ سيمپتومدارى وتە اۋىر - دارىگەر

الماتى. قازاقپارات - كوروناۆيرۋستىڭ دەلتا نۇسقاسىنىڭ سيمپتومدارى وتە اۋىر.

بۇل تۋرالى الماتى قالاسى №8-ەمحاناسىنىڭ باس دارىگەرى فاريدا اعىبايەۆا ءمالىم ەتتى، دەپ حابارلايدى قازاقپارات ءتىلشىسى.

«ناۋقاستاردىڭ ىستىعى كوتەرىلەدى، تاماق اۋرۋى پايدا بولادى جانە باسى اۋىرادى. قاراپايىم سۋىق تيۋ نەمەسە تۇماۋعا ۇقسايدى. ىندەت جۇقتىرعانداردا كوروناۆيرۋسقا ءتان ءيىس سەزبەۋ بولمايدى. ءبىراق ەرەكشە بەلگىلەر بار: جۇرەك اينۋ، قۇسۋ، ديارەيا جانە اسقازاننىڭ اۋىرۋى، قاتتى السىزدىك. اۋرۋدىڭ اعىمى كوروناۆيرۋس ينفەكسياسىنىڭ دەلتا نۇسقاسىندا جوعارى جىلدامدىقپەن سيپاتتالادى جانە اۋىر بولادى - ناۋقاستاردا ورتاشا اۋىر، اۋىر، سيمپتومسىز جانە جەڭىل فورمالار ءجيى كەزدەسەدى»، - دەيدى فاريدا اعىبايەۆا.

سونداي-اق، ەستۋ قابىلەتى بۇزىلادى، اسقازان- ىشەك پروبلەمالارى تۋىنداپ، قان ۇيۋى مۇمكىن. ەگەر ناۋقاس ۆاكسينا الماعان بولسا، وندا دەلتا نۇسقاسىن جۇقتىرعان كەزدە جاعدايى وتە اۋىر بولادى. №8-ەمحانانىڭ باس دارىگەرى تولىق يممۋندالعان ادامنىڭ دەرتى سيمپتومسىز نەمەسە الدەقايدا جەڭىل وتەتىنىن ايتتى. سپيكەر قوعامدىق دەنساۋلىق باسقارماسىنىڭ اتىنان الماتىلىقتاردى ۆاكتسينالانۋعا تاعى دا شاقىردى.